NULL / Ind vs Pak: સુપર ફોરમાં ભારતનો દબદબાભેર વિજય દેશમાં દિવાળી જેવો માહોલ

એશિયા કપમાં ભારતે પાકિસ્તાનને હરાવીને ફાઈનલમાં પ્રવેશ કર્યો છે. રવિવારે થયેલા સુપર ફોરમાં ભારતે પાકિસ્તાનને 9 વિકેટે હરાવ્યું હતું. આ મેચમાં પાકિસ્તાને ટોસ જીતીને બેટિંગ કરવાનો નિર્ણય લીધો હતો. પાકિસ્તાનની શરૂઆત ખરાબ રહી હતી અને 8મી ઓવરમાં ચહેલે હકની વિકેટ લીધી હતી. 

ઉલ્લેખનીય છે કે પાકિસ્તાનની ટીમમાં શોએબ મલિકે સૌથી વધુ 78 રન બનાવ્યા હતા અને પાકિસ્તાનની ટીમે 50 ઓવરમાં 237 રન બનાવ્યા હતા. ત્યારબાદ ભારતની ટીમમાં સૌ પ્રથમ રોહિત શર્મા અને શિખર ધવન ઉતર્યા હતા.

જેમાં બન્ને ખેલાડીઓએ સદી ફટકારી હતી. રોહિત શર્મા 111 રન પર અણનમ અને શિખર ધવન 114 રન પર આઉટ થયો હતો. ભારતે 39.3 ઓવરમાં 1 વિકેટ પર 238 રન ફટકારીને જીત મેળવી હતી.

ભારતીય ટીમના કાયમી કેપ્ટન વિરાટ કોહલીની ગેર-હાજરીમાં એશિયા કપમાં ટીમ ઇન્ડિયાની કમાન સંભાળી રહેલા કેપ્ટન રોહિત શર્મા પહેલા ભારતીય કેપ્ટન બન્યા હતા જેમણે વન-ડે ઇન્ટરનેશનલ મેચમાં પાકિસ્તાન સામે સતત 2 મેચ જીતી હતી.

આ સિવાય એવા 9 ભારતીય કેપ્ટન છે જેમણે પાકિતાન વિરૂધ્ધ 2માંથી 1 મેચ જીતી છે. જ્યારે એક મેચમાં હાર પામેલ. આપને જણાવી દઇએ કે રોહિતની આગેવાનીમાં પહેલી મેચ ટીમ ઇન્ડીયાએ પાકિસ્તાનને 9 વિકેટથી હરાવ્યા હતા. 

આપને જણાવી દઇએ કે એશિયા કપ સુપર ફોરમાં થોડા દિવસ અગાઉ યોજાયેલ એક મેચમાં પણ ભારતનો ગૌરવભેર વિજય થતાં ભારતીય ક્રિકેટ ચાહકોમાં ખુશીનું વાતાવરણ જોવા મળ્યું હતું. તો આ તરફ કેટલાક ચાહકો મોડી રાતે રસ્તા પર પણ ઉતરી આવ્યા હતા અને ફટાકડાં ફોડીને ભારતીય ટીમના વિજયને વધાવ્યો હતો.