સુરત / પ્રજાના પૈસે લીલા લહેર? મેયર હેમાલી બોઘાવાલાના બંગલાનું લાઈટબિલ આવ્યું તે જાણી ચોંકી જશો

• સુરત મેયરનો પ્રજાના પૈસાનો ધૂમાડો 
• આલિશાન બંગલાનું અધધધ વીજબિલ
  આલિશાન બંગલાનું વીજબીલ 51 હજારથી વધુ

સુરત મેયરનો આ બંગલો જોઈએ અંજાઈ ન જતા, સુરતના મેયર હેમાલી બોઘાવાલા મસ્ત મહેલ બાંધીને મ્હાલી રહ્યા છે. કોરોનાની બીજી લહેરમાં સુરતમાં અનેક લોકો આર્થિક મુશ્કેલીમાં મુકાયા છે ઉદ્યોગ ધંધા પર અસર થતા પરિવારો હાલકી ભોગવી રહ્યા છે ત્યારે મેડમને કામનું ભારણ અને તેનો તણાવ ઓછો થાય તે માટે મેડિટેશન રૂમ બનાવવામાં આવ્યો છે.

 

 

મેયરના મહેલ સામે મંત્રીઓના બંગલા ઝાંખા પડે

બંગલામાં કુલ 6 બેડરૂમ છે અને પ્રાઈવેટ ઝોનમાં લિવિંગ રૂમ અને ફોર્મલ ડાઈનિંગ રૂમ પણ બનાવવામાં આવ્યા છે. એટલું જ નહીં મેયરના 5 કરોડથી વધુની કિંમતના બંગલાનું વીજબિલ 51 હજારથી વધુ આવ્યું છે. જો કે મેયર હેમાલી બોઘાવાલા બંગલામાં રહેવા ગયા તે બાદ બિલ 4 ગણુ વધ્યુ છે.

પ્રજાના પૈસા આમ વેડફવા કેટલા યોગ્ય ?

આ મહેલમાં અભેદ્ય સુરક્ષા માટે અદ્યતન નાઈટ વિઝન કેમેરા પણ લગાવવામાં આવ્યા છે. મેયરના રહેવા ગયા બાદ 3 જુલાઇએ પ્રથમ બિલ પણ આવ્યું છે. આ ઇલેકટ્રીક બિલ 51,890 રૂપિયા આવ્યું છે. હજી ગેસ બિલ સહિતના યુટિલિટી બિલ હવે આવવાના શરૂ થશે.ગેસ કનેક્શન માટે ગત તારીખ 23 જૂને રૂપિયા 9394 અને તારીખ 2 જૂને 5854 ભરવામાં આવ્યાં છે.

મંત્રી નિવાસ કરતા પણ વધુ સુવિધા

એક તરફ મનપાની તિજોરી ખાલી થઇ રહી છે તો બીજી તરફ સુરતમાં 5 કરોડનો મેયર બંગલો તૈયાર થઇ ગયો છે. મેયરના આ બંગલાના ઇન્ટીરીયર ડેકોરેશન પાછળ જ સવા કરોડ રૂપિયા ખર્ચાયા હોવાનું જાણવા મળ્યું છે.ત્યારે સુરત મનપાની કામગીરી સામે અનેક સવાલો ઉઠી રહ્યા છે.  

સુવિધાઓ જોઈને આંખો પહોળી થઈ જશે

સુરત મહાનગરપાલિકાની તિજોરીના તળિયા દેખાતા એવી સ્થિતિ સર્જાઈ છે તંત્રએ નાણાં ભેગા કરવા માટે પાંચ પ્લોટ હરાજીમાં મુકવા પડ્યા હોવાનું પણ મનાઈ રહ્યું છે ત્યારે સુરતના અલથાણ પાસે મેયરના બંગલા બનાવવા પાછળ પાંચ કરોડનો ખર્ચ કરવામાં આવી રહ્યો છે. કેમ એ પણ એક સવાલ છે તેમાં હવે 1.25 કરોડનું ઇન્ટિરિયર પણ કરવામાં આવ્યું છે.

સુરત મેયરનો 5 કરોડનો બંગલો 

મેયરનો આ બંગલો 5983 સ્કવેર મીટર એરિયામાં તૈયાર થયો છે.આ બંગલામાં ગાર્ડન, બે માસ્ટર બેડરૂમ, ગેસ્ટ રૂમ, સર્વન્ટ રૂમ, કિચન, ડાઇનિંગ અને ઓફિસ સહિતની તમામ સુવિધાઓ ઉભી કરાઈ છે. બંગલામાં ઇન્ટિરિયર માટે પબ સવા કરોડ રૂપિયા ખર્ચવામાં આવ્યા છે. બંગલામાં સિક્યુરિટી કેબિન, સર્વન્ટ ક્વાર્ટર બનાવવામાં આવ્યા છે.