વિશ્વ / ન્યુઝીલેન્ડના સાંસદોની તાઇવાન મુલાકાતથી ભડક્યું ચીન, કરી મોટી કાર્યવાહી

ચીન તાઇવાનને લઈને વિશ્વભરના દેશો પર દબાણ વધારી રહ્યું છે. અમેરિકી રાષ્ટ્રપતિ ડોનાલ્ડ ટ્રમ્પની ચીન મુલાકાત દરમિયાન રાષ્ટ્રપતિ શી જિનપિંગે સ્પષ્ટપણે ચેતવણી આપી હતી કે જો તાઇવાન મુદ્દો યોગ્ય રીતે ઉકેલવામાં નહીં આવે તો ચીન અને અમેરિકા વચ્ચે ટકરાવ અને સંઘર્ષ પણ થઈ શકે છે.

ચીને હવે તાઇવાન મુદ્દા પર ન્યુઝીલેન્ડ સામે કડક વલણ અપનાવ્યું છે. ચીને ન્યુઝીલેન્ડના ચાર સાંસદોને એક વર્ષ માટે ચીનની મુસાફરી કરવા પર પ્રતિબંધ મૂક્યો છે કારણ કે તેઓ તાઇવાનની મુલાકાતે ગયા હતા. ચીને આ સાંસદો પાસેથી માફી માંગવાની પણ માંગ કરી છે.

આ પણ વાંચોઃ વિશ્વ / ટ્રમ્પને સૌથી મોટો ઝટકો, ઈરાન વિરુદ્ધ યુદ્ધ રોકવાનો પ્રસ્તાવ US સંસદમાં પાસ

ન્યુઝીલેન્ડ સરકારે શું કહ્યું?

ન્યુઝીલેન્ડમાં ચીની દૂતાવાસે ન્યુઝીલેન્ડના અધિકારીઓને સાંસદો સામે કાર્યવાહી અંગે જાણ કરી છે. જો કે ન્યુઝીલેન્ડ સરકારે આ મુદ્દે એક નિવેદન પણ બહાર પાડ્યું છે. તેઓએ જણાવ્યું હતું કે ચીને અગાઉ ઘણા દેશોના સાંસદો પર તાઇવાન સાથેના સંપર્કો માટે પ્રતિબંધો લાદ્યા છે, પરંતુ આ પહેલીવાર છે જ્યારે ન્યુઝીલેન્ડના સાંસદો સામે આવી કાર્યવાહી કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ