World Cancer Day / આખરે કેમ દર વર્ષે ઉજવાય છે 'વર્લ્ડ કેન્સર ડે'? શું છે તેની પાછળનો ઇતિહાસ? જાણો મહત્વ અને લેટેસ્ટ થીમ

• વિશ્વ કેન્સર દિવસ દર વર્ષે 4 ફેબ્રુઆરીના રોજ ઉજવવામાં આવે છે.
• વિશ્વ કેન્સર દિવસ શા માટે ઉજવવામાં આવે છે?
• સ્ત્રીઓ અને પુરુષોમાં આ કેન્સરનું જોખમ સૌથી વધારે છે. 

World Cancer Day 2024: વિશ્વ કેન્સર દિવસ દર વર્ષે 4 ફેબ્રુઆરીના રોજ ઉજવવામાં આવે છે. આ દિવસની ઉજવણીનો હેતુ કેન્સર જેવા ગંભીર અને જીવલેણ રોગ વિશે લોકોમાં જાગૃતિ ફેલાવવાનો છે. દર વર્ષે લાખો લોકો કેન્સરથી મૃત્યુ પામે છે, જે વૈશ્વિક સ્તરે મૃત્યુનું મુખ્ય કારણ છે. કેન્સર સામે લડવા માટે, તે સૌથી મહત્વપૂર્ણ છે કે આપણે આ રોગ વિશે, તેને કેવી રીતે અટકાવવું અને તેનું નિદાન કેવી રીતે કરવું તે બધું જ જાણીએ. આ માટે જ વિશ્વ કેન્સર દિવસની ઉજવણી કરવામાં આવે છે. આ લેખમાં અમે તમને વિશ્વ કેન્સર દિવસના ઇતિહાસ અને મહત્વ વિશે જણાવશું.. 

Ahead of #WorldCancerDay on Sunday, here are the latest global cancer burden stats (2022)
🌍 Estimated 9.7M deaths
💔 1 in 9 men & 1 in 12 women lose their lives to the disease
👤 1 in 5 people face cancer in their lifetimehttps://t.co/gOW4eAZ1c1#CloseTheCareGap

— World Health Organization (WHO) (@WHO) February 1, 2024

વિશ્વ કેન્સર દિવસ શા માટે ઉજવવામાં આવે છે?
વિશ્વ કેન્સર દિવસ એ કેન્સર વિશે જાગૃતિ લાવવા અને તેના નિવારણ, શોધ અને સારવારને પ્રોત્સાહિત કરવા માટે 4 ફેબ્રુઆરીએ ઉજવવામાં આવતો આંતરરાષ્ટ્રીય દિવસ છે. વિશ્વ કેન્સર ઘોષણાના લક્ષ્યોને સમર્થન આપવા માટે યુનિયન ફોર ઇન્ટરનેશનલ કેન્સર કંટ્રોલ દ્વારા વિશ્વ કેન્સર દિવસ ઉજવવામાં આવે છે.

વિશ્વ કેન્સર દિવસ 2024ની થીમ શું છે? 
દર વર્ષે આ દિવસ એક અલગ થીમ સાથે ઉજવવામાં આવે છે. પરંતુ છેલ્લા 3 વર્ષથી એટલે કે વર્ષ 2022થી આ જ થીમ સાથે ઉજવણી કરવામાં આવી રહી છે. તે છે..- ‘Close the care gap- Everyone deserves access to cancer care’

By 2050, cancer cases are projected to be 77% higher than they were in 2022.

Growing & ageing populations are contributing to the alarming rise, as are risk factors like tobacco, obesity & air pollution - addressing these will help protect people against cancer#WorldCancerDay

— World Health Organization (WHO) (@WHO) February 2, 2024

વિશ્વ કેન્સર દિવસ ક્યારે શરૂ થયો?
જો આપણે વિશ્વ કેન્સર દિવસના ઇતિહાસ વિશે વાત કરીએ, તો 4 ફેબ્રુઆરી 2000 ના રોજ વિશ્વ કેન્સર દિવસ ઉજવવાની જાહેરાત કરવામાં આવી હતી. ફ્રાન્સની રાજધાની પેરિસમાં આયોજિત 2000 માં પ્રથમ વિશ્વ સમિટમાં પ્રથમ વખત તેની ઉજવણી કરવામાં આવી હતી. ત્યારથી, દર વર્ષે આખું વિશ્વ 4 ફેબ્રુઆરીના રોજ આ ખાસ દિવસની ઉજવણી કરે છે. યુનિયન ફોર ઇન્ટરનેશનલ કેન્સર કંટ્રોલ (UICC) દ્વારા 4 ફેબ્રુઆરીએ વિશ્વ કેન્સર દિવસ મનાવવામાં આવે છે. આ યુનિયન એક બિન-સરકારી આંતરરાષ્ટ્રીય સંસ્થા છે જે કેન્સર સમુદાયને એક કરવા અને વૈશ્વિક સ્તરે કેન્સરનો બોજ ઘટાડવાનું કામ કરે છે.

વધુ વાંચો: ઓફિસથી લઇને ઘર સુધી... જો સતત રહો છો ટેન્શનમાં, તો આજથી જ આ 5 ટિપ્સ ફૉલો કરવા લાગો, મળશે રાહત

સ્ત્રીઓ અને પુરુષોમાં આ કેન્સરનું જોખમ વધારે છે
કેન્સર સ્ટેટિસ્ટિક્સ રિપોર્ટ અનુસાર, ભારતમાં વર્ષ 2020માં લગભગ 13 લાખ 92 હજાર 179 કેન્સરના કેસ નોંધાયા છે. સ્તન, કોલોરેક્ટલ, ફેફસાં, સર્વાઇકલ અને થાઇરોઇડ કેન્સર સ્ત્રીઓમાં સૌથી સામાન્ય કેન્સર છે. તે જ સમયે, ફેફસાં, પ્રોસ્ટેટ, કોલોરેક્ટલ, પેટ અને લીવર કેન્સર પુરુષોમાં સૌથી સામાન્ય છે.