મુખ્યમંત્રી કોણ બનશે? / ખુરશી એક, દાવેદાર અનેક: ત્રણ રાજ્યોના નવા CM મુદ્દે PM મોદીના આવાસ પર ચાર કલાક ચાલી બેઠક, નામ પર મહોર વાગી... બસ એલાન બાકી!

• ત્રણ રાજ્યોમાં જીત બાદ હવે લોકો જાણવા માંગે છે કે મુખ્યમંત્રી કોણ બનશે?
• સીએમના ચહેરાને લઈને દિલ્હીમાં ઘણી ચર્ચા વિચારણા ચાલી રહી છે
• પીએમ નરેન્દ્ર મોદીના આવાસ પર ચાર કલાક સુધી બેઠક ચાલી 

મધ્યપ્રદેશ, રાજસ્થાન અને છત્તીસગઢના લોકો હવે એ જાણવા માંગે છે કે તેમના મુખ્યમંત્રી કોણ બનશે? સાથે જ આ ત્રણ રાજ્યોમાં ભાજપની જીતના ભાગીદાર એવા પાર્ટીના કાર્યકર્તાઓ પણ જાણવા માંગે છે કે હાઇકમાન્ડ કોને સીએમ બનાવશે. હવે સમાચાર આવ્યા છે કે આ વાતને લઈને પ્રધાનમંત્રી નરેન્દ્ર મોદીના આવાસ પર એક બેઠક થઈ હતી જે ચાર કલાક સુધી ચાલી હતી. 

સીએમના ચહેરાને લઈને દિલ્હીમાં ઘણી ચર્ચા વિચારણા ચાલી રહી છે અને નામ પર ઘણું સપસેન્સ બની રહ્યું છે. મધ્યપ્રદેશ, છત્તીસગઢ અને રાજસ્થાનમાં મુખ્યમંત્રીઓની પસંદગીને લઈને ચાલી રહેલી અટકળો અને બેઠકો વચ્ચે ભાજપના રાષ્ટ્રીય અધ્યક્ષ જેપી નડ્ડા વડાપ્રધાન નરેન્દ્ર મોદી સાથે બેઠક યોજી રહ્યા છે. આજે ભાજપની જીતને ત્રીજો દિવસ છે. એવામાં ચાલો એ જાણી લઈને કે ભાજપની અંદર કયા નામોની લઈને સૌથી વધુ ચર્ચા ચાલી રહી છે. 

ત્રણ રાજ્યોના મુખ્યમંત્રીઓના નામો અંગે મહત્વપૂર્ણ ચર્ચા
જણાવી દઈએ કે મધ્યપ્રદેશ, રાજસ્થાન અને છત્તીસગઢમાં ભાજપને જબરદસ્ત જીત મળી છે. ભાજપે મધ્યપ્રદેશમાં 163, રાજસ્થાનમાં 115 અને છત્તીસગઢમાં 54 બેઠકો જીતીને ઈતિહાસ રચ્યો છે. જ્યારે ત્રણેય રાજ્યોમાં કોંગ્રેસને કારમી હારનો સામનો કરવો પડ્યો હતો.મધ્યપ્રદેશ, રાજસ્થાન અને છત્તીસગઢમાં ભાજપની જબરદસ્ત જીત છેલ્લા બે દિવસથી ભાજપના ટોચના નેતાઓ આ ત્રણેય રાજ્યોના નેતાઓ સાથે સતત મુલાકાત કરી રહ્યા છે અને માનવામાં આવી રહ્યું છે કે ભાજપ અધ્યક્ષ નડ્ડા આ તમામ નેતાઓ પાસેથી મળેલા પ્રતિસાદને વડા પ્રધાનના નિવાસસ્થાને ચાલી રહેલી બેઠકમાં વડા પ્રધાન નરેન્દ્ર મોદી સાથે શેર કર્યા હશે. 

-  મધ્યપ્રદેશમાં શિવરાજ સિંહ ચૌહાણ મુખ્યપ્રધાન બને તેવી શક્યતા છે, કારણ કે શિવરાજ સિંહ ચૌહાણ સાંસદ ભાજપના સૌથી મોટા નેતાઓમાંથી એક છે. 

- રાજસ્થાનમાં મહંત બાલકનાથ અને વસુંધરા રાજે સીએમ પદની રેસમાં આગળ છે. સાથે જ કેન્દ્રીય મંત્રી ગજેન્દ્ર શેખાવતનું નામ પણ ચર્ચાઈ રહ્યું છે. 

- છત્તીસગઢમાં રમણ સિંહનું નામ ચર્ચામાં છે. તેઓ ફરીથી સીએમ બનવાની રેસમાં સૌથી આગળ છે. 

હવે આ રાજ્યોમાં ભાજપ કોને તક આપશે તે તો સમય જ કહેશે.