અપડેટ / WhatsAppsમાં જોડાયા આ નવા ફીચર્સ, ડાર્ક મોડમાં મળશે આ ઓપ્શન

• WhatsAppમાં ડાર્ક મોડની વધી ડિમાન્ડ
• હાલ બધાં જ ઓપ્શનની ટેસ્ટિંગ ચાલી રહી છે
• ડાર્ક મોડની સાથે નવા વોલપેપર્સ પણ આવી શકે છે

એક રિપોર્ટ મુજબ, WhatsAppના એન્ડ્રોઈડ વર્ઝન માટે લોન્ચ કરાયેલા લેટેસ્ટ બીટા વર્ઝન 2.19.366માં ડાર્ક મોડ આપવામાં આવ્યો છે અને આ વખતે તેમાં કેટલાક ઈમ્પ્રૂવમેન્ટ પણ જોવા મળશે. ચેટ સેટિંગના ડિસ્પ્લે ઓપ્શનમાં ડાર્ક મોડ ઓપ્ટિમાઈઝેશન જોઈ શકાય છે. આ બધાં જ ઓપ્શનની ટેસ્ટિંગ ચાલી રહી છે. આ ડાર્ક મોડ ક્યારે આવશે તે અંગે હાલ કંપનીએ કોઈ જાહેરાત કરી નથી. તમને જણાવી દઈએ કે ડાર્ક મોડમાં 3 ઓપ્શન જોવા મળ્યા છે. પહેલો ઓપ્શન ઓરિજનલ લાઈટ થીમ છે, બીજો ઓપ્શન ડાર્ક થીમ અને ત્રીજો બેટરી સેવરનો ઓપ્શન હશે. આ ત્રણેયમાંથી એક ઓપ્શનમાંથી બેટરી સેવર ઓપ્શનમાં વોટ્સએપમાં ઓટો ડાર્ક મોડ એક્ટિવેટ થશે. જો તમે તમારા ફોનમાં બેટરી સેવરની સાથે ડાર્ક મોડ ઓન રાખો છો તો વોટ્સએપમાં પણ ઓટો ડાર્ક મોડ આવી જશે. 

ડાર્ક મોડની સાથે નવા વોલપેપર્સ પણ આવી શકે છે

વોટ્સએપમાં 6 emojis માટે નવા સ્કિન્સ જારી કરાયા છે. આ સિવાય લેટેસ્ટ અપડેટમાં વોલપેપર ઓપ્શન પર જોવા મળશે. જોકે, આ પહેલાં પણ આ ઓપ્શન હતો, પરંતુ હવે નવા અપડેટની સાથે તેને ડિસ્પ્લે સેક્શનમાં પ્લેસ કરવામાં આવ્યું છે. ડાર્ક મોડ સાથે કેટલાક નવા વોલપેપર્સ પણ આવી શકે છે.