- USAની ચૂંટણીમાં ઝંપલાવનાર વિવેક રામાસ્વામીનું નિવેદન
- ભારતીય મૂળના વિવેક રામાસ્વામીની સતત વધી છે લોકપ્રિયતા
- હું અમેરિકાનો કમાન્ડર ઇન ચીફ બનવા માંગુ છું પોપ નહીં: વિવેક રામાસ્વામી
અમેરિકી રાષ્ટ્રપતિ પદ માટે ચૂંટણી લડી રહેલા ભારતીય મૂળના વિવેક રામાસ્વામીની લોકપ્રિયતા સતત વધી રહી છે. આ કારણે ડોનાલ્ડ ટ્રમ્પની રિપબ્લિકન પાર્ટીમાં ખળભળાટ મચી ગયો છે. આ દરમિયાન વિવેક રામાસ્વામીને હિંદુ હોવા અંગે આપવામાં આવેલ નિવેદનને ખૂબ પસંદ કરવામાં આવી રહ્યું છે. આ વીડિયો જોયા બાદ ઘણા લોકોએ વિવેક રામાસ્વામીના વખાણ કર્યા છે.
હું અમેરિકાનો કમાન્ડર ઇન ચીફ બનવા માંગુ છું પોપ નહીં
આ વીડિયોમાં રામાસ્વામીએ ખુદ હિન્દુ હોવાથી લઈને અમેરિકી રાષ્ટ્રપતિની ચૂંટણી સુધીના ઘણા મુદ્દાઓ પર વાત કરી છે. વિવેક રામાસ્વામીએ હિન્દુ વિરોધી ઝુંબેશ સામે ખુલ્લેઆમ કહ્યું કે હું જે નથી તેનો હું ઢોંગ નહીં કરું. હું હિંદુ છું અને હું અમેરિકાનો કમાન્ડર ઇન ચીફ (પ્રમુખ) બનવા માંગુ છું, પૉસ્ટર ઇન ચીફ (પોપ) નહીં.
બાઇબલને સામાન્ય ખ્રિસ્તી કરતાં વધુ સારી રીતે જાણું છું
એક મુલાકાત દરમિયાન ખ્રિસ્તી મૂલ્યો પર આધારિત દેશના સંદર્ભમાં તેમની હિંદુ આસ્થા વિશેના પ્રશ્નના જવાબમાં વિવેક રામાસ્વામીએ કહ્યું, "હું જે નથી તે હોવાનો હું ઢોંગ કરીશ નહીં." તેણે એ પણ સમજાવ્યું કે તે કેવી રીતે બાઇબલને સામાન્ય ખ્રિસ્તી કરતાં વધુ સારી રીતે જાણે છે. તેમણે કહ્યું કે, હું પૉસ્ટર -ઇન-ચીફ માટે ચૂંટણી લડી રહ્યો નથી, પરંતુ હું આ દેશના કમાન્ડર-ઇન-ચીફ બનવા માંગુ છું. રામાસ્વામીને પૂછવામાં આવ્યું કે હિંદુ હોવાને કારણે શું તમે ભગવાન વિશેની તમારી માન્યતા શેર કરી શકો છો અને તેમના પુત્ર જીસસ ક્રાઇસ્ટ વિશે તમે શું વિચારો છો? આના પર તેણે જવાબ આપ્યો કે હું હિંદુ છું.
હું એક સાચા ભગવાનમાં માનું છું
વિવેક રામાસ્વામીએ વધુમાં કહ્યું કે, ખ્રિસ્તી ધર્મના ઘણા પ્રકાર છે, કેથોલિક ધર્મ છે, તેવી જ રીતે હિન્દુ ધર્મના પણ ઘણા પ્રકાર છે. હું એક સાચા ભગવાનમાં માનું છું. હું માનું છું કે ભગવાન આપણા દરેકમાં વસે છે. મને લાગે છે કે ખ્રિસ્તી પરંપરામાં પણ એવું જ માનવામાં આવે છે. જ્યારે હું કેથોલિક શાળાઓમાં ગયો ત્યારે હું બાઇબલને કદાચ હું જાણું છું, મોટાભાગના ખ્રિસ્તીઓ કરતાં વધુ નજીકથી વાંચતો હતો. આ એ જ સંદેશ છે જ્યારે આપણે કહીએ છીએ કે, આપણે સમાન છીએ કારણ કે આપણે ભગવાન દ્વારા બનાવવામાં આવ્યા છે.
ભગવાનની નજરમાં આપણે બધા સમાન
આપણે એકબીજાની નજરમાં સમાન છીએ કારણ કે આપણે ભગવાનની નજરમાં સમાન છીએ. હું જે પરંપરામાં ઉછર્યો છું તે પરંપરામાં આપણે કહીએ છીએ કે, આપણે એકબીજાની નજરમાં સમાન છીએ. કારણ કે આપણા દરેકમાં ભગવાન વસે છે. આપણી દરેકની એકબીજા પ્રત્યે ફરજો છે.
હું હંમેશા સત્ય બોલીશ
આ સાથે કહ્યું કે, તમે જાણો છો, બલિદાન અને કર્તવ્યના તે પાસા વિશે વિચારવું જે હિન્દુ ધર્મનો આધાર છે. હું કોણ છું અને હું શું માટે ઊભો છું તે વિશે હું હંમેશા સત્ય બોલીશ. પરંતુ મને લાગે છે કે તે બિલકુલ સાચું છે કે, આપણે એ જ જુડિયો-ક્રિશ્ચિયન મૂલ્યો શેર કરીએ છીએ જેના આધારે આ દેશની સ્થાપના કરવામાં આવી હતી. આ રાષ્ટ્ર સંપૂર્ણપણે જુડિયો-ખ્રિસ્તી મૂલ્યો પર આધારિત હતું. તે હકીકત છે. તે પણ એક હકીકત છે કે, હું તે મૂલ્યોને ઊંડાણપૂર્વક શેર કરું છું.
