ખળભળાટ / 'મહિલા પહેલવાનોનું યૌન શોષણ કરે છે', બૃજભૂષણને દોષ દેતા રડી પડી વિનેશ ફોગાટ, દિલ્હીમાં 'દંગલ'

• ભારતીય કુશ્તી મહાસંઘના પ્રમુખ વિરુદ્ધ ચોંકાવનારા આરોપ
• પ્રખ્યાત કુસ્તીબાજ વિનેશ ફોગાટે લગાવ્યા આરોપ
• મહિલા પહેલવાનોનું યૌન શોષણના આરોપ લગાવતા ખળભળાટ 

ખ્યાતનામ કુસ્તીબાજ વિનેશ ફોગાટે ચોંકાવનારો ઘટસ્ફોટમાં કરતા ચકચાર મચી છે. જેમાં ભારતીય કુશ્તી મહાસંઘના પ્રમુખ અને બીજેપી સાંસદ બૃજભૂષણ શરણસિંહ ઘણા વર્ષોથી મહિલા પહેલવાનોનું યૌન શોષણ કરી રહ્યા છે. હોવાના ભારતીય કુસ્તીબાજ વિનેશ ફોગાટએ ચોધાર આશુએ આરોપ લગાવ્યો હતો. જેમને હટાવવમાં વડાપ્રધાન અને ગૃહમંત્રીના હસ્તક્ષેપની માંગ કરાય છે.

ચોંકાવનારા આરોપો લાગ્યા

બૃજભૂષણ શરણસિંહ પર આરોપ લગાવતા વિનેશ ફોગટ રડવા લાગી હતી. વર્લ્ડ ચેમ્પિયનશિપ મેડલ વિજેતા અને ઓલિમ્પિયન વિનેશે એવો પણ દાવો કર્યો હતો કે લખનૌમાં રાષ્ટ્રીય શિબિરમાં કેટલાક કોચ દ્વારા મહિલાઓનું શોષણ કરાયું છે. તેણે આરોપ લગાવ્યો કે શિબિરમાં કેટલીક મહિલાઓ છે જે WFI પ્રમુખના કહેવા થી અન્ય કુસ્તીબાજોના સંપર્કમાં આવે છે.

મારી નાંખવાની ધમકી આપી

આ 28 વર્ષીય મહિલા કુસ્તીબાજએ સ્પષ્ટતા કરતા જણાવ્યું હતું કે તે પોતે આ પ્રકારના વ્યવહારનો ભોગ બની નથી. વધુમાં તેમણે  દાવા સાથે કહ્યું કે WFI પ્રમુખના ઈશારે તેના નજીકના અધિકારીઓ મારી નાંખવાની ધમકી આપી હતી. કારણ કે આ મામલે ટોક્યો ઓલિમ્પિક ગેમ્સ બાદ બેઠક દરમિયાન વડાપ્રધાન નરેન્દ્ર મોદીનું ધ્યાન દોર્યું હતું.

WFIની સામે અવાજ ઉઠાવી રહ્યા છીએ

મહત્વનું છે કે દિલ્હીના જંતર-મંતર ખાતે વિનેશ ચાર કલાકથી વધુ સમય સુધી ધરણા પર બેસ્યા બાદ તેમણે કહ્યું કે હું 10-12 મહિલા કુસ્તીબાજો વિશે જાણું છે જેમણે WFI પ્રમુખ દ્વારા આ અંગે કહેવાયું છે. તેમણે કહ્યું કે હું અત્યારે નામ નહિ આપું બાકી વડાપ્રધાન અને ગૃહમંત્રીને મળ્યા બાદ ત્યાં નામ આપીશ. આ દરમિયાન ટોક્યો ઓલિમ્પિક્સના બ્રોન્ઝ મેડલ વિજેતા બજરંગ પુનિયાએ જણાવ્યું હતું કે ફેડરેશન એક મન પડે તે રીતે ચલાવાઈ રહ્યું છે અને જ્યાં સુધી WFI પ્રમુખને હટાવવામાં નહિ આવે ત્યાં સુધી કોઈ આંતરરાષ્ટ્રીય સ્પર્ધામાં જોડાશે નહિ!બજરંગે કહ્યું કે અમારી લડાઈ સરકાર કે સ્પોર્ટ્સ ઓથોરિટી ઓફ ઈન્ડિયા સામે નથી. પણ અમે WFIની સામે અવાજ ઉઠાવી રહ્યા છીએ. હવે આ આરપાર ની અને ભારતીય કુસ્તીને બચાવની લડાઈ છે.