Vastu Tips / ઘરમાં સૂકા ફૂલોને રાખવાની આદત હોય તો આજે જ કાઢી નાખજો, નહીંતર થઇ જશો કંગાળ

• ઘરમાં હંમેશા તાજા ફૂલ જ રાખવા જોઈએ
• ફ્રેશ ફૂલ ઘરમાં સકારાત્મકતા પ્રદાન કરે છે 
• તો સૂકા ફૂલ વ્યક્તિને કંગાળ બનાવી દે છે 

ઘરમાં હંમેશા તાજા ફૂલ રાખો

વાસ્તુ શાસ્ત્રમાં વૃક્ષ-છોડ અને ફૂલો પર વિશેષ ભાર આપવામાં આવ્યો છે. વાસ્તુ શાસ્ત્ર અને જ્યોતિષમાં કહેવામાં આવ્યું છે કે ઘરમાં સૂકા ફૂલ નકારાત્મકતા લાવે છે. ઘરમાં હંમેશા તાજા અને સકારાત્મક ઉર્જા ફેલાવનારા ફૂલોને રાખવાની સલાહ આપવામાં આવે છે. વાસ્તુ જાણકારો મુજબ ઘરમાં યોગ્ય દિશા, સાચી જગ્યાએ યોગ્ય ફૂલ અને છોડને રાખવામાં આવે તો તેઓ સકારાત્મકતા પ્રદાન કરે છે. 

ઘરમાં સૂકા ફૂલને રાખવાથી વાસ્તુ દોષ ઉત્પન્ન થાય છે

ઘરમાં નકારાત્મકતા ફેલાવનારા ફૂલોને ભૂલથી પણ ઘરમાં જગ્યા ન આપશો. આ ફૂલ ઘર-પરિવારના સભ્યોની પ્રગતિ અને સફળતામાં અવરોધ ઉભો કરે છે. વાસ્તુ શાસ્ત્રમાં કહેવામાં આવ્યું છે કે ઘરમાં સૂકા ફૂલને રાખવાથી વાસ્તુ દોષ ઉત્પન્ન થાય છે, જે ઘરના ગૃહ-કલેશનુ કારણ બને છે. આવો જાણીએ સૂકા ફૂલ તમારા ઘરમાં કેવો પ્રભાવ નાખે છે. 

મૃતદેહની સમાન હોય છે સૂકા ફૂલ 

જ્યોતિષ શાસ્ત્રમાં દેવી-દેવતાઓને પ્રસન્ન કરવા માટે પૂજા સમયે તાજા અને સ્વચ્છ ફૂલોનો ઉપયોગ કરવામાં આવે છે. પરંતુ પૂજા બાદ આ ફૂલોને તાત્કાલિક હટાવી દેવા જોઈએ. પૂજા સ્થળ અથવા મંદિરમાં રાખવામાં આવેલા ફૂલોનુ સુકાવુ શુભ માનવામાં આવતુ નથી. આ ઘરમાં વાસ્તુ દોષ તો ઉત્પન્ન કરે છે. આ સાથે ઘરમાં શાંતિ પણ ભંગ કરી દે છે. માન્યતા છે કે ઘરમાં સૂકા ફૂલોમાં નકારાત્મક શક્તિઓ પ્રવેશ કરી જાય છે. કહેવાય છે કે સૂકા ફૂલ ઘરમાં મૃતદેહની સમાન છે. જે રીતે ઘરમાં મૃતદેહને વધુ સમય રાખવામાં આવતો નથી તે રીતે સૂકા ફૂલોને પણ ના રાખવા જોઈએ. ગ્રંથોમાં કહેવામાં આવ્યું છે કે ભગવાનને ચઢાવવામાં આવેલા ફૂલ તરત નિર્માલય થાય છે. 

નકારાત્મક શક્તિઓ કરે છે પ્રવેશ 

પૂજામાં ચઢાવેલા ફૂલ તરત ચિમડાઈ જાય છે, તેથી તેને તાત્કાલિક હટાવી દેવા ઉત્તમ રહે છે. ગ્રંથોમાં કહેવામાં આવ્યું છે કે આ ફૂલો પર ભોગ માટે ચણ્ડાલી, ચણ્ડાંશુ અને વિશ્વકસેન જેવી નકારાત્મક શક્તિઓ ઉત્પન્ન થાય છે. આજકાલ લોકો ઘરને સજાવવા માટે સૂકા ફૂલોને પણ રાખે છે. પરંતુ તેને લગાવવાથી નકારાત્મક શક્તિઓનો વાસ થાય છે.