જવાબદેહી / વડોદરામાં મોતનું તાંડવ કરનાર પરેશ પછી નીલેશનો બારોબાર કોન્ટ્રાક્ટ કાંડ! સેવ ઉસળની લારી વાળાને બોટ પકડાવી?, પરિણામે 14ના મોત

• વડોદરાના હરણી તળાવમાં મોતનું તાંડવ !
• માસૂમોના માતા-પિતાના નથી સુકાઈ રહ્યા આંસુ
• રૂપિયાની લાલચે કેટલાય માસૂમોને આપ્યું મોત!

Vadodara Harani lake boat incident: ગુજરાત માટે આજનો દિવસ ગોઝારો સાબિત થયો છે. કારણ કે, વડોદરાના હરણી તળાવમાં વિદ્યાર્થીઓથી ભરેલી બોટ પલટી ગઈ. અને જોત-જોતામાં માસૂમોના મોતની ચીચીયારીઓ ગુંજી ઊઠી. કાંઠે અનેક લોકો હતા. પરંતુ કોઈ કાંઈ ન કરી શક્યું અને બેજવાબદાર તંત્રની લાપરવાહીના કારણે માસૂમોનો ભોગ લેવાઈ ગયા. તપાસમાં સામે આવ્યું છે કે,  આ તળાવમાં બોટીંગના કોન્ટ્રાક્ટમાં પણ અદલા-બદલી થઇ હતી. મુખ્ય કોન્ટ્રાકટરે અન્ય 2 વ્યક્તિને પેટા કોન્ટ્રાક્ટ આપ્યા હોવાનું ખુલ્યું છે.

સેવ ઉસળની લારી ચલાવતો વ્યક્તિ અહીં બોટ ચલાવતો હતો ?
પાપ્ત વિગતો મુજબ હરણી તણાવમાં કોટીયા પ્રોજેક્ટસ નામની કંપનીને કોન્ટ્રાક્ટ અપાયો હતો. જેના માલિક પરેશ શાહ હાવાની સૂત્રો પાપ્ત વિગતો છે. આ કોન્ટ્રાક્ટ અપાયા બાદ પરેશ શાહે નિલેશ જૈન નામના વ્યક્તિને કોન્ટ્રાક્ટ આપ્યો હતો. ત્યારે આ નિલેશ શાહે વળી કોઈ ત્રીજા જ વ્યક્તિને બારોબારીયું કર્યું હતું તેવી વિગતો સામે આવી છે. આ બધાની વચ્ચે ઘટનાસ્થળે એવી પણ ચર્ચા થઈ રહી છે કે, સેવ ઉસળની લારી ચલાવતો વ્યક્તિ અહીં બોટ ચલાવતો હતો.

કોની બેદરકારી ?
આ કોન્ટ્રાક્ટને લઈ અનેક સવાલો પણ સતાવી રહ્યાં છે, જો પરેશ શાહએ નિલેશ જૈનને બારોબાર કોન્ટ્રાક્ટ આપી દીધો હોય તો શુ વડોદરા મ્યુનિસિપલ કોર્પોરેશનને જાણ નહી કરી હોય ?. જો જાણ કરી હોય તો તેણે પણ આ કોન્ટ્રાક્ટને ધક્કા મારી અન્યને આપી દીધો તેનું શું ?.  આ તળાવને લઈ સેફ્ટી અને સિક્યોરિટીમાં કોર્પોરેશન તેની જવાબદારી કેમ ન નીભાવી ?. લાઈફ જેકેટ વિના અને કેપેસિટી કરતા વધુ લોકો બેસાડતા આ ગોઝારી ઘટના બની હોવાનું પણ સામે આવ્યું છે. આવી ભંયકર બેદરકારી મહાનગરપાલિકાના તંત્રની જાણ વગર ચાલતી હોય તે વાત ગળે ઉતરે તેમ જ નથી.

વાંચવા જેવું: હરણી તળાવ બોટ દુર્ઘટનાની હાઈલેવલ તપાસના આદેશ, જિલ્લા મેજિસ્ટ્રેટને કેસ સોંપાયો, CM ઘટનાસ્થળે

જાણો સમગ્ર મામલો
વડોદરાનું હરણી તળાવ, જ્યાં બોટ પલટી જવાની દુર્ઘટના બની. અત્યાર સુધીની માહિતી મુજબ 14 લોકોના મોત થયા છે. 14 લોકોમાં 12 બાળકો અને 2 શિક્ષકો સામે છે. બોટની ક્ષમતા કરતા વધુ વજન થતા દુર્ઘટના બની હોવાની માહિતી સામે આવી છે. જેમાં 14 લોકોની ક્ષમતા ધરાવતી બોટમાં કુલ 31 લોકોને બેસાડવામાં આવ્યા હતા. 31 લોકોમાં 23 બાળકો, 4 શિક્ષકો અને 4 શાળા સ્ટાફના લોકો હતા. તંત્ર તરફથી મળતી માહિતી મુજબ જ્હાનવી હોસ્પિટલમાં 9 અને સયાજી હોસ્પિટલમાં 5ના મોત થયા છે. હજુ 1 બાળકની હાલત ગંભીર હોવાનું પણ સામે આવ્યું છે. જો કે, હવે કોન્ટ્રાક્ટરની બેદરકારીને લીધે દુર્ઘટના બની હોવાનું સામે આવ્યું છે.