ટેકનોલોજી / ગૂગલે પ્લેસ્ટોર પરથી 331 ખતરનાક એપ્સ દૂર કરી! જોઈ લો તમારા ફોનમાં તો નથી ને

Google: સાયબર સિક્યોરિટી કંપની બિટડેફેન્ડરના રિસર્ચર્સએ ગુગલ પ્લે સ્ટોર પર 331 ખતરનાક એપ્સ શોધી કાઢી છે જે વેપર ઓપરેશન નામના મોટા છેતરપિંડી અભિયાનનો ભાગ હતી.

સાયબર સિક્યોરિટી કંપની બિટડેફેન્ડરના રિસર્ચર્સએ ગૂગલ પ્લે સ્ટોર પર 331 ખતરનાક એપ્સ શોધી કાઢી હતી જે વેપર ઓપરેશન નામના મોટા છેતરપિંડી અભિયાનનો ભાગ હતી. આ એપ્સ એડ ફ્રોડ અને ફિશિંગ દ્વારા યૂજર્સની વ્યક્તિગત માહિતી ચોરી રહી હતી. ચોંકાવનારી વાત એ છે કે આ એપ્સ 60 મિલિયનથી વધુ વખત ડાઉનલોડ કરવામાં આવી હતી અને તેમણે એન્ડ્રોઇડ 13 ની સિક્યોરિટીને પણ બાયપાસ કરી હતી.

ગૂગલે તેના પ્લે સ્ટોર પરથી આ ખતરનાક એપ્સ દૂર કરી દીધી છે. જોકે બિટડેફેન્ડરના રિપોર્ટ મુજબ સંશોધનના અંતે 15 એપ્સ હજુ પણ ઉપલબ્ધ હતી. વેપર ઓપરેશન એ સાયબર ગુનેગારો દ્વારા ચલાવવામાં આવતી એક છેતરપિંડી લાઇન હતી. શરૂઆતમાં તેમાં 180 એપ્સનો સમાવેશ થતો હતો, જે દરરોજ 200 મિલિયન ફર્જી જાહેરાત વિનંતીઓ જનરેટ કરતી હતી.

હવે આ સંખ્યા 331 એપ્સ પર પહોંચી ગઈ છે, જે હેલ્થ ટ્રેકર્સ, QR સ્કેનર્સ, નોટ્સ એપ્સ અને બેટરી ઑપ્ટિમાઇઝર્સ જેવી કેટેગરીઓમાં ફેલાયેલી છે. આ એપ્સમાં એક્વાટ્રેકર, ક્લિકસેવ ડાઉનલોડર અને સ્કેન હોકનો સમાવેશ થાય છે જે 1 મિલિયનથી વધુ વખત ડાઉનલોડ થઈ ચૂક્યા છે.

આ ઉપરાંત ટ્રાન્સલેટસ્કેન અને બીટવોચ એપ્સનો પણ સમાવેશ થાય છે જેમને 1 લાખથી 5 લાખ ડાઉનલોડ્સ મળ્યા છે. આ એપ્સ ઓક્ટોબર 2024 થી માર્ચ 2025 ની વચ્ચે ગૂગલ પ્લે સ્ટોર પર અપલોડ કરવામાં આવી હતી. આ એપ્સ બ્રાઝિલ, અમેરિકા, મેક્સિકો, તુર્કી અને દક્ષિણ કોરિયામાં સૌથી વધુ ડાઉનલોડ કરવામાં આવી હતી. ભારત જેવા દેશોમાં પણ ઓછા ટેકનિકલ જ્ઞાન ધરાવતા યુજર્સ માટે આ એક મોટો ખતરો બની ગયો છે.

શરૂઆતમાં આ એપ્સ ફક્ત જાહેરાત પ્રદર્શિત કરતી એપ્સ તરીકે કામ કરતી હતી. બાદમાં કમાન્ડ-એન્ડ-કંટ્રોલ (C2) સર્વરથી અપડેટ્સ દ્વારા ખતરનાક કોડ મોકલવામાં આવ્યો. એકવાર ઇન્સ્ટોલ થઈ ગયા પછી આ એપ્સ પોતાને છુપાવવા માટે હોમ સ્ક્રીન પરથી તેમના આઇકોન ગાયબ કરી દે છે.

આ પણ વાંચોઃ તમારા કામનું / UPI યુઝર્સ ખાસ વાંચે, હવે આ સુવિધા બંધ કરવામાં આવશે! જાણો ફાયદો થશે કે નુકસાન

કેટલીક એપ્સે ગૂગલ વોઇસ જેવી વિશ્વસનીય એપ્સ જેવી દેખાવા માટે તેમના નામ બદલી નાખ્યા. એકવાર ઇન્સ્ટોલ થઈ ગયા પછી આ એપ્લિકેશનો કોઈપણ યૂજર ઇંટરેક્શન એક્ટિવેટ થઇ જાય છે. તેઓ ફુલ-સ્ક્રીન જાહેરાતો બતાવીને ફોન હેક કરે છે. નકલી લોગીન પેજ બનાવીને ફેસબુક, યુટ્યુબ અને પેમેન્ટ ગેટવેમાંથી માહિતી ચોરી કરવાનો પ્રયાસ કર્યો.

કેટલીક એપ્સે યૂજર્સને વધુ માલવેર ડાઉનલોડ કરવા માટે છેતરવા માટે "તમારો ફોન વાયરસથી સંક્રમિત છે" તેવી ખોટી ચેતવણીઓ પ્રદર્શિત કરી હતી. ઘણા યૂજર્સએ ફરિયાદ કરી હતી કે તેઓ જાહેરાતના લૂપમાં ફસાઈ ગયા છે, જ્યાં કોઈપણ બટન દબાવવાથી તેઓ નકલી વેબસાઇટ પર રીડાયરેક્ટ કરી દેવાતા હતા. ઘણી એપ્સ યુઝર્સની બેંક વિગતો અને પાસવર્ડ ચોરી કરવા માટે બનાવવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ