હેલ્થ ટિપ્સ / કમરના દુખાવાથી મેળવવો છે છૂટકારો! તો આજથી જ ફૉલો કરો આ 5 ટિપ્સ, મળશે રાહત

• આજના સમયમાં અનેક લોકો કમરના દુખાવાની સમસ્યા
• જેના કારણે લોકોને ઉઠવા બેસવામાં તકલીફ થાય
• કમરના દુખાવાથી બચવા માટે ફોલો કરો આ ટિપ્સ

આજના સમયમાં અનેક લોકો કમરનો દુખાવો એટલે કે, બેક પેઈનથી પરેશાન છે. કમરના દુખાવા માટે અનેક કારણો જવાબદાર હોઈ શકે છે. કેલ્શિયમ અને વિટામીનની ઊણપના કારણે ઉપરાંત ખોટી રીતે બેસવાને કારણે પણ કમરનો દુખાવો તાય છે. 30 વર્ષ પછી કમરનો દુખાવો શરૂ થાય છે. જેના કારણે લોકોને ઉઠવા બેસવામાં તકલીફ થાય છે. અહીંયા અમે તમને કેટલીક એવી ટિપ્સ આપી રહ્યા છીએ, જેની મદદથી કમરના દુખાવાથી રાહત મળી શકે છે. 

કમરના દુખાવાથી રાહત મેળવવાની ટિપ્સ

• વધુ સમય સુધી ખુરશી પર એક જ પોઝિશનમાં ના બેસવું જોઈએ. પીઠ અને હાથને ખુરશીનો પૂરતો સપોર્ટ મળતો હોવો જોઈએ. દર એક કલાક પછી ખુરશીમાંથી ઊભા થાવ, જેથી માંસપેશીઓ યોગ્ય પ્રકારે કામ કરી શકે. 
• લેપટોપ અને ડેસ્કટોપ પર કામ કરતા સમયે ખાસ ધ્યાન રાખવું કે, કમ્પ્યુટરનું માઉસ 90 ડિગ્રીએ હોય. ઉપરાંત મોબાઈલનો ઉપયોગ કરતા સમયે ગરદન ઝુકાવવી નહીં, માત્ર નજર નીચી કરવી. 
• કોઈપણ પ્રકારનો વજન આરામથી ઉપાડો. ખોટી રીતે ભારે વસ્તુ ઉંચકવાને કારણે કમરના દુખાવાની તકલીફ થાય છે. 
• સૂતા સમયે પડખુ ફરીને સૂવું જોઈએ. તમે પગ નીચે તકિયો રાખીને પણ સૂઈ શકો છો. સૂતા સમયે માથા નીચે ઊંચો તકિયો ના હોવો જોઈએ, નહીંતર કમરનો દુખાવો થઈ શકે છે. 
• ટીવી અથવા ફિલ્મ જોતા સમયે બેસવાની રીતનું ખાસ ધ્યાન રાખવું, અનેક વાર સોફા પર કલાકો સુધી ખોટી રીતે બેસવાથી પણ કમરનો દુખાવો થઈ શકે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)