જાણવા જેવું / વધારેમાં વધારે કેટલી ઉંમર સુધી તમે ખોલાવી શકો Demat Account, ના જાણતા હોવ તો જાણી લેજો

ડિમેટેરિયલાઈઝેશન એકાઉન્ટ જેને આપણે ટૂંકમાં ડીમેટ એકાઉન્ટ તરીકે ઓળખીએ છીએ. આ ડિમેટ એકાઉન્ટ ડીમેટ શેર, બોન્ડ, સરકારી સિક્યોરિટીઝ, મ્યુચ્યુઅલ ફંડ, વીમો અને ઇટીએફ જેવા રોકાણો રાખવાની પ્રોસેસને સરળ બનાવે છે. તેનાથી શેર સર્ટિફિકેટ અને અન્ય દસ્તાવેજો ઇલેક્ટ્રોનિક ફોર્મેટમાં રૂપાંતરિત કરી શકાય છે. તેનો અર્થ એ કે ડીમેટ એકાઉન્ટ ટ્રેડિંગ માટે સૌથી મહત્વનું છે. એક વ્યક્તિ એક કરતા વધુ ડીમેટ ખાતા ખોલાવી શકે છે. ચાલો જાણીએ ડીમેટ ખાતા સંબંધિત જરૂરી નિયમો વિશે.

• એક વ્યક્તિ કેટલા ડીમેટ ખાતા ખોલાવી શકે?
  એક વ્યક્તિ એક કરતાં વધુ ડીમેટ એકાઉન્ટ ખોલાવી શકે છે. પરંતુ દરેક એકાઉન્ટ અલગ બ્રોકર અથવા ડિપોઝિટરી પાર્ટિસિપન્ટ (DP) સાથે ખોલવું જોઈએ. બધા ડીમેટ ખાતા એક જ PAN કાર્ડ સાથે જોડાયેલા હોવા જોઈએ.

• કેટલો ચાલે છે ચાર્જ છે?
  ડીમેટ એકાઉન્ટમાં સામાન્ય રીતે વાર્ષિક મેન્ટેનન્સ ચાર્જ  500 થી 1000 રૂપિયા પ્રતિ વર્ષ લાગે છે. આ સિવાય અન્ય ટ્રાન્ઝેક્શન ખર્ચ પણ લાગી શકે છે.

• બંધ કરવાનો નિયમ
  ડીમેટ ખાતું બંધ કરવા માટે એકાઉન્ટ બંધ કરવાનું ફોર્મ ભરવાનું રહે છે. તેમાં બ્રોકરને જરૂરી દસ્તાવેજો પણ સબમિટ કરવાના રહે છે. ખાતું બંધ કરવા માટે કોઈ ચાર્જ નથી પરંતુ ખાતામાં કોઈ રકમ બાકી ન હોવી જોઈએ.

વધુ વાંચો : 2025માં મ્યુચ્યુઅલ ફંડ કરી શકે છે માલામાલ, પરંતુ પહેલા સમજી લેજો રોકાણ કરવાની સાચી રીત

• ફ્રીઝિંગ
  જો કોઈ ડીમેટ ખાતું ચોક્કસ સમયગાળા માટે ઈનએક્ટિવ હોય તો તેને ફ્રીઝ કરી શકાય છે. ફ્રીઝ એકાઉન્ટને સક્રિય કરવા માટે KYCની જરૂર પડી શકે છે.

• કેટલી ઉંમરમાં ડીમેટ એકાઉન્ટ ખોલાવી શકાય?

ભારતમાં ડીમેટ એકાઉન્ટ ખોલવા માટે કોઈ ચોક્કસ વય મર્યાદા નથી. સગીરનું ડીમેટ એકાઉન્ટ વાલી દ્વારા મેનેજ કરી શકાય છે, જ્યાં સુધી તે વયસ્ક ન થઈ જાય ત્યાં સુધી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ