- Disney+ Hotstarનું ત્રણ મહિના માટેનું ફ્રી સબ્સ્ક્રિપ્શન મળશે.
- Reliance Jio યુઝર્સ જ ફક્ત આ તકનો લાભ લઈ શકે છે.
- Jioના ફ્રી OTT સાથેના સસ્તા પ્લાનની કિંમત ફક્ત રૂ. 388 છે.
માર્વેલ સિનેમેટિક યુનિવર્સ (MCU) ની સુપરહીરો મૂવીઝથી લઈને કોફી વિથ કરણ જેવા શો સુધી, તમને OTT પ્લેટફોર્મ Disney+ Hotstar સાથે મફતમાં જોવાની તક આપવામાં આવી રહી છે. Reliance Jio યુઝર્સ આ તકનો લાભ લઈ શકે છે. આ OTT પ્લેટફોર્મ માટે અલગથી પૈસા ચૂકવવાની જરૂર નથી. Jioના એક સસ્તા પ્લાનમાં ડિઝની + હોટસ્ટારનો લાભ મફતમાં આપવામાં આવી રહ્યો છે.
ઘણી ટેલિકોમ કંપનીઓ તેમની પ્રીપેડ અને પોસ્ટપેડ યોજનાઓ સાથે લોકપ્રિય OTT સેવાઓનું મફત સબ્સ્ક્રિપ્શન ઓફર કરી રહી છે. એવામાં જો તમે ડિઝની+ હોટસ્ટાર કન્ટેન્ટ મફતમાં જોવા માંગતા હોય અને Jioના યુઝર્સ છો તો Jioના 400 રૂપિયાથી ઓછી કિંમતના સસ્તા પ્લાન સાથે આ સબ્સ્ક્રિપ્શન 3 મહિના માટે બિલકુલ ફ્રી આપવામાં આવી રહ્યું છે.
રિલાયન્સ Jioના ફ્રી OTT સાથેના સસ્તા પ્લાનની કિંમત રૂ. 388 છે અને તેની વેલિડિટી 28 દિવસની છે. આ પ્લાન દરરોજ 2GB ડેટા ઓફર કરે છે, આમ યુઝર્સને કુલ 56GB ડેટાનો લાભ મળે છે. બધા નેટવર્ક પર અમર્યાદિત કૉલિંગ ઉપરાંત, આ પ્લાન સાથે દરરોજ 100 SMS મોકલવાનો વિકલ્પ પણ આપવામાં આવ્યો છે. આમાં, Jio એપ્સ (JioTV, JioCinema અને JioCloud)ની ઍક્સેસ પણ આપવામાં આવી રહી છે.
આ રિચાર્જ કરનારા સબ્સ્ક્રાઇબર્સને 3 મહિના સુધી મફત Disney + Hotstar મોબાઇલ સબસ્ક્રિપ્શન આપવામાં આવે છે. પ્લાનમાંથી રિચાર્જ કર્યા પછી, તમારે તમારા મોબાઇલ પર Disney + Hotstar એપ ખોલવી પડશે અને તમે જે નંબરથી રિચાર્જ કર્યું છે તે જ નંબરથી લૉગ ઇન કરવાનું રહેશે.
વધુ વાંચો: આધાર કાર્ડને લઇને મોટા સમાચાર: નામાંકનથી લઇને અપડેટ કરવા સુધી..., નિયમમાં કરાયા ફેરફાર
જો તમે એવા વિસ્તારમાં રહો છો જ્યાં Jioની 5G સેવાઓ શરૂ કરવામાં આવી છે અને તમારી પાસે 5G સ્માર્ટફોન છે, તો જો તમે આ પ્લાન સાથે રિચાર્જ કરો છો, તો તમને અમર્યાદિત 5G ડેટાનો લાભ આપવામાં આવશે. નોંધનીય છે કે કંપની રૂ. 239 કે તેથી વધુ કિંમતના તમામ પ્લાનમાંથી રિચાર્જ પર અમર્યાદિત 5Gનો લાભ આપી રહી છે.
