યૂટિલિટી / ઘરે બેઠા આ સરળ રીતે સ્માર્ટફોનની મદદથી બનાવી લો Ration Card, જાણી લો ડોક્યૂમેન્ટ્સનું લિસ્ટ

• ઘરે બેઠા સ્માર્ટફોનથી બનાવો રાશન કાર્ડ
• જાણો કયા ડોક્યૂમેન્ટ્સ છે જરૂરી
• જાણી લો રાશન કાર્ડ બનાવવા માટેની પ્રોસેસ

3 પ્રકારના હોય છે રાશન કાર્ડ

ગરીબી રેખા ઉપર (APL)
ગરીબી રેખાની નીચે (BPL)
અંત્યોદય પરિવાર માટે

અંત્યોદય કેટગરીમાં ખૂબ જ ગરીબ લોકોને રાખવામાં આવે છે. આ કેટેગરી વ્યક્તિની વાર્ષિક આવકના આધારે નક્કી કરાય છે. આ સિવાય અલગ રાશન કાર્ડ પર સસ્તા દરે મળતું અનાજ, તેનું પ્રમાણ અલગ હોય છે. ગ્રામીણ અને શહેરી ક્ષેત્રના આઘારે તે અલગ અલગ નિયમ ધરાવે છે. 

આ છે રાશન કાર્ડ બનાવવાની શરતો

• રાશન કાર્ડ બનાવવા માટે વ્યક્તિ ભારતનો નાગરિક હોય તે જરૂરી છે.
• વ્યક્તિની પાસે અન્ય રાજ્યનું રાશન કાર્ડ ન હોવું જોઈએ.
• જેના નામે રાશન કાર્ડ બની રહ્યું છે તેની ઉંમર 18 વર્ષથી વધારે હોવી જોઈએ.
• 18 વર્ષથી ઓછી ઉંમરના બાળકોના માતા પિતાના રાશન કાર્ડમાં હોવું જોઈએ. 
• એક પરિવારમાં પરિવારના મુખ્ય વ્યક્તિના નામે રાશન કાર્ડ હોય છે. 
• રાશન કાર્ડમાં જે સભ્યોને સામેલ કરાય છે તેનો મુખ્ય વ્યક્તિ સાથે નજીકનો સંબંધ જરૂરી છે.
• પરિવારના દરેક સભ્યનું પહેલાં કોઈ અન્ય રાશન કાર્ડમાં નામ હોવું જોઈએ નહીં.
•  UP સરકાર વિધવાને વાર્ષિક 6000 રૂપિયા મદદ રૂપે આપે છે.

આ રીતે ઓનલાઈન કરી શકશો એપ્લાય

• રાશન કાર્ડ બનાવવા માટે સૌ પહેલાં રાજ્યની અધિકૃત વેબસાઈટ પર જાઓ.
• અહીં Apply online for ration cardની લિંક પર ક્લિક કરો.
• રાશન કાર્ડ બનાવવા માટે આઈડી પ્રૂફમાં આધારકાર્ડ, વોટર આઈડી, હેલ્થ કાર્ડ, પાસપોર્ટ, ડ્રાઈવિંગ લાયસન્સ આપી શકાશે,
• આ માટે 5 રૂપિયાથી લઈને 45 રૂપિયા ફી લેવામાં આવે છે. તે ભરો અને સબમિટ કરો.
• ફિલ્ડ વેરિફિકેશન થયા બાદ જો તમે યોગ્ય જાણકારી આપી હશે તો 30 દિવસમાં તમારું રાશન કાર્ડ બની જશે.

આ ડોક્યૂમેન્ટ્સની પણ પડી શકે છે જરૂર

રાશન કાર્ડ બનાવવા માટે તમને આધારકાર્ડ, મતદાર આઈડી, પાસપોર્ટ, કોઈપણ સરકારે જાહેર કરેલું આઇકાર્ડ, આરોગ્ય કાર્ડ, ડ્રાઇવિંગ લાઇસન્સ વગેરેની જરૂર પડી શકે છે. આ સિવાય પાનકાર્ડ, પાસપોર્ટ સાઇઝ ફોટો, આવકનું પ્રમાણપત્ર, લાઈટ બિલ, ગેસ કનેક્શન બુક, ટેલિફોન બિલ, બેંક સ્ટેટમેન્ટ અથવા પાસબુક, ભાડા કરાર જેવા દસ્તાવેજો પણ સરનામાંના પુરાવા તરીકે આપી શકાય છે.