તમારા કામનું / ટોઇલેટ સીટ પર બેસતા જ તૂટી ગયું ઘૂંટણનું હાડકું, મહિલાને હતી આ બીમારી, ક્યાંક તમે તો ઈગ્નોર નથી કરતાં ને આ લક્ષણો

• બ્રિટનમાં 19 વર્ષીય મહિલા સાથે બની દુ:ખદ ઘટના
• ટોયલેટ સીટ પર બેસતાની સાથે ઘૂંટણનું હાડકું તૂટ્યું
• ડોક્ટર્સે કહ્યું ઘૂંટણમાં ટ્યૂમર હતું

માણસનાં શરીરમાં ક્યારેક એવી બીમારીઓ ઘર કરીને બેઠી હોય છે જેની જે-તે વ્યક્તિને લાંબા સમય સુધી ખબર નથી હોતી. થોડા વર્ષો પહેલાં એક મહિલા પોતાના ઘરનાં ટોયલેટ સીટ પર બેઠી ત્યારે એકાએક તેના ઘૂંટણનું હાડકું તૂટ્યું. ત્યારબાદ મહિલાનું ચાલવું પણ અઘરું થઈ પડ્યું. જાણો આખો કિસ્સો. 

'હાડકું તૂટ્યાનો અવાજ આવ્યો'
બેથાની ઈસ્ટ નામની 26 વર્ષીય મહિલા બ્રિટનમાં રહે છે. તેમણે જણાવ્યું કે 7 વર્ષ પહેલાં જ્યારે તે 19 વર્ષની હતી ત્યારે તેના ઘૂંટણમાં ઘણો દુ:ખાવો રહેતો હતો. તે સમાન્ય દુ:ખાવો સમજીને ઈગ્નોર કરતી હતી. એક દિવસ તેના ઘૂંટણમાં ભયંકર દુ:ખાવો ઉપડ્યો. તે ટોયલેટ સીટ પર બેસી અને એકાએક ઘૂંટણમાં હાડકું તૂટ્યાનો અવાજ આવ્યો. આ ઘટના થતાં જ તે તાત્કાલિક ધોરણે હોસ્પિટલ પહોંચી.

સર્જરી કરવી પડી
ડોક્ટર્સે જ્યારે X-Ray કર્યું ત્યારે ખબર પડી કે ત્યાં એક મોટો ટ્યૂમર હતો જેના લીધે ઘૂંટણની આસપાસનાં સ્નાયુઓ નબળાં પડી ગયાં હતાં. આ એક જટીલ કેસ હતો. ડોક્ટર્સે  તાત્કાલિક સર્જરી કરી. તે સમયે ડોક્ટર્સે  તેને જણાવી દીધું હતું કે 99% કેસમાં દર્દી ચાલી શકતાં નથી. પરંતુ સદનસીબે સર્જરી બાદ બેથાની થોડું ચાલવા સક્ષમ બની હતી. તેણે હાલમાં જ કોલેજ પાસ કરી.

જો તમને પણ આવો દુ:ખાવો થતો હોય તો ઈગ્નોર ન કરજો અને તાત્કાલિક ડોક્ટરને તપાસ કરાવજો.