રેસિપી / રોજિંદી ખીચડીને આપો નવો ટ્વિસ્ટ, પહેલાં ક્યારેય નહીં બનાવી હોય આ હેલ્ધી અને ટેસ્ટી ખીચડી

વેજિટેબલ રવા ખીચડી

સામગ્રી

-2 નંગ ટામેટા સમારેલા
-1 નંગ ડુંગળી સમારેલી
-1/2 કપ લીલા વટાણા
-2 કપ રવો
-1/4 ટીસ્પૂન રાઈ
-1 ટેબલસ્પૂન અડદની દાળ
-1 ટેબલસ્પૂન ચણા દાળ
-1 નાનો ટુકડો આદુંનો 
-4 નંગ લીલા મરચાં
-2 નંગ લવિંગ
-1/4 ટીસ્પૂન હળદર
-1/4 કપ કાજુ
-1/2 નંગ લીંબુનો રસ
-3 ટેબલસ્પૂન તેલ
-2 ટેબલસ્પૂન ઘી
-મીઠું સ્વાદાનુસાર
-કોથમીર
-મીઠો લીમડો

રીત

સૌપ્રથમ એક નોન સ્ટિક કડાઈમાં તેલ ગરમ કરો. તેલ ગરમ થાય એટલે તેમાં રાઈ ઉમેરો. રાઈ ફૂટે એટલે તેમાં અડદની દાળ, ચણાની દાળ, લીલા મરચાં, આદુંની પેસ્ટ, મીઠો લીમડો અને ડુંગળી ઉમેરીને બરાબર મિક્સ કરીને સાંતળો. ડુંગળી જ્યારે લાઈટ બ્રાઉન રંગની થાય ત્યારે તેમાં હળદર, મીઠું, ટામેટા અને લીલા વટાણા ઉમેરીને બરાબર મિક્સ કરીને ચઢવા દો. ટામેટા અધકચરા ચઢી જાય એટલે તેમાં પાંચ કપ પાણી ઉમેરીને તેને ચઢવા દો. પાણી ઉકળવા લાગે એટલે તેમાં બે ચમચી ઘી અને એક ચમચી ઉમેરીને બરાબર મિક્સ કરી લો. હવે તેમાં રવો ઉમેરો અને બરાબર મિક્સ કરી લો. રવો ચઢી જાય અને બધું પાણી બળી જાય ત્યાં સુધી ચઢવા દો. લવિંગને ડ્રાય રોસ્ટ કરી લો. ત્યાર બાદ તેને અધકચરા વાટીને ઉમેરીને બરાબર મિક્ષ કરી લો. કાજુને ઘીમાં તળી લો. હવે તેને પણ ખીચડીમાં ઉમેરીને બરાબર મિક્સ કરી લો. છેલ્લે ગેસ બંધ કરો ત્યારે તેને કોથમીર અને લીંબુનો રસ ઉમેરીને બરાબર મિક્સ કરી લો. ત્યાર બાદ ગરમા-ગરમ જ સર્વ કરો.

 આ ખીચડીને તમે દહીં કે છાશ સાથે પીરસી શકો છો. આ સિવાય ભાખરી, અથાણું, પાપડ વગેરે સાથે પણ તે ટેસ્ટી લાગે છે.