મંગળિયું / આજનો અવસર તહેવારથી ઓછો નથી, PM પોતે માર્ગદર્શન આપે એ ગુજરાત માટે ઐતિહાસિક ઘટના: CM ભૂપેન્દ્ર પટેલ

• આજે ગુજરાત માટે ઐતિહાસિક ઘટના-મુખ્યમંત્રી  
• ગામડાઓને સમુદ્ધ બનાવવા સરકાર પ્રયત્નશીલ 
• રાજ્ય સરકારે પંચાયતોને વધુ સુવિધાયુક્ત  બનાવી 

અમદાવાદના GMDC મેદાનમાં વડાપ્રધાન નરેન્દ્ર મોદીની ઉપસ્થિતિમાં યોજાયેલા ગુજરાત પંચાયત મહાસંમેલનમાં મુખ્ય મંત્રી ભૂપેન્દ્ર પટેલે કહ્યું કે,  ગુજરાત માટે આજનો અવસર તહેવારથી ઓછો નહીં. વડાપ્રધાન મોદી માર્ગદર્શન આપે એ ગુજરાત માટે ઐતિહાસિક ઘટના છે.  રાજ્યે 42 હજાર 950 કરોડના વિકાસ કામો મંજૂર કર્યા.  નરેન્દ્રભાઈ CM હતા ત્યારે નિયમિત પણે ગ્રામસભાનું આયોજન શરૂ કરાયુ હતુ.  મુખ્ય મંત્રીએ કહ્યું કે, આવકના દાખલા એક વર્ષના સ્થાને 3 વર્ષ માન્ય ગણાશે. વધુમાં આપણે એફિડેવિટમાંથી નાગરિકોને મુક્તિ આપી છે.રાજ્ય સરકારે મફત વાઈફાઈની સેવા પૂરી પાડવાનું આયોજન કર્યુ છે. તો ખેડૂતોને સ્માર્ટ ફોનની ખરીદીમાં સરકાર સહાય આપી રહી છે. જુદા જુદા બજારોમાં ભાવો, હવામાનની માહિતી ખેડૂતો જાણી શકશે. 

રાજ્યના મુખ્યમંત્રીએ કહ્યું કે, સંપૂર્ણ પ્રાકૃતિક આધારિત પ્રથમ જિલ્લો ડાંગ બન્યો છે. તો 768 મહિલા સમરસ ગ્રામપંચાયતો ગુજરાતમાં છે. ગુજરાતે જળસંચય અને જળ સિંચાઈ માટેના કામોએ દાખલો બેસાડ્યો છે. સરકારે 5540 કરોડની રકમથી ગામડાઓમાં પાણી પહોચાડવા માટે જોગવાઈ કરી છે. અને ગ્રામપંચાયતોમાં માળખાગત સુવિધાઓ વધારાઈ રહી છે. ગ્રામજનોના જીવનનું સ્તર ઉંચો લાવવા સરકાર પ્રયત્નશીલ છે.

ગામડાને વધુ સદ્ધર બનાવવાનો સંકલ્પ -મેરજા  
ગુજરાત પંચાયત મહાસંમેલનમાં મંત્રી બ્રિજેશ મેરજાએ પ્રાસંગિક ઉદબોધનમાં કહ્યું કે, ગામમાં પારદર્શી વહિવટ માટે સતત કાર્યરત રહેવાનું છે. ગામડાઓને વધુ સદ્ધર બનાવવાના છે. ગામોને સ્વનિર્ભર બનાવવા સરકારે કામ કર્યુ છે. ગ્રામ્યરથ દ્વારા ગ્રામપંચાયતોમાં અનોખી ચેતના જગાડી છે. રાજ્ય સરકાર ભવ્ય ભારતને દિવ્ય ભારત બનાવવા સતત કાર્યરત છે