અમદાવાદ: સોમવારે સવારે અમદાવાદ શહેરની 3 સ્કૂલને બોમ્બથી ઉડાવવાની ધમકી મળી છે. અમદાવાદની કેટલીક શાળાઓને બોમ્બથી ઉડાવી દેવાની ધમકી મળી છે. દિલ્હીની માફક જ એક પછી એક સ્કૂલને મેઈલ આવી રહ્યા છે. ધમકી મળ્યા પછી અમદાવાદ પોલીસ સતર્ક થઈ ગઈ છે. અમદાવાદની શાળાઓને બોમ્બથી ઉડાવવાની ધમકી મુદ્દે તપાસ તેજ કરી દેવામાં આવી છે. ધમકી મળેલ સ્કૂલો પર પોલીસે ચેકિંગ હાથ ધરવામાં આવ્યું. બોમ્બ ડિસ્પોઝલ સ્કવોડ પણ ઘટના સ્થળે પહોંચી ગયું છે. ત્યારે આ સમગ્ર મામલે ધમકી મળનાર શાળાઓને DEOએ સૂચના આપી કે શાળાઓમાં કોઈ પણ અજાણ્યા વ્યક્તિને પ્રવેશ ન કરવા દેવામાં આવે.
અમદાવાદમાં પણ દિલ્હી જેવી ઘટનાનું પુનરાવર્તન
થલતેજની ઉદગમ સ્કૂલને બોમ્બથી ઉડાવી દેવાની ધમકી મળી છે, તો ઘાટલોડિયાની આનંદ નિકેતન સ્કૂલ અને ચાંદખેડાની કેન્દ્રીય વિદ્યાલયને પણ ધમકી ભર્યો ઈ-મેઈલ આવ્યો છે. બોમ્બથી ઉડાવી દેવાની ધમકી મળ્યા બાદ સ્થાનિક પોલીસે સ્કૂલમાં ચેકિંગ હાથ ધર્યું છે. SOG, બોમ્બ સ્કવોર્ડની ટીમ તાત્કાલિક ઘટનાસ્થળે પહોંચી ગઈ હતી. હવે અમદાવાદ જિલ્લા શિક્ષણ અધિકારીએ શાળાઓને બોમ્બથી ઉડાવી દેવાની ધમકીના મામલે શાળાઓને સૂચના આપી છે.
ધમકી મળનાર શાળાઓને DEOએ સૂચના આપી કે શાળાઓમાં કોઈપણ અજાણી વ્યક્તિઓને પ્રવેશ ન આપવામાં આવે. આ સિવાય આદેશ આપ્યો કે શાળામાં પ્રવેશતા તમામ લોકોની ખરાઈ કરવામાં આવે. જણાવી દઈએ કે આજે સવારે શહેરની કેટલીક શાળાઓમાં ધમકી ભર્યો ઈમેઈલ આવ્યો છે, એ પછી પોલીસ તપાસ કરી રહી છે અને તપાસ તેજ કરી દેવામાં અવી છે. રશિયન સર્વરથી ધમકી મળ્યા હોવાનું અનુમાન લગાવવામાં આવી રહ્યું છે. હવે આ અંગે અમદાવાદ પોલીસે શહેરીજનોને અપીલ કરી છે. અમદાવાદ પોલીસે જણાવ્યું કે હાલ તપાસ ચાલી રહી છે. લોકોએ પેનિક થવાની જરૂર નથી, હાલ તમામ સ્થિતિ કાબૂમાં છે.
વધુ વાંચો: દિલ્હી બાદ હવે અમદાવાદની 3 સ્કૂલોને બોમ્બથી ઉડાવી દેવાની ચિમકી, ધમકીભર્યા મેઇલ મળતા દોડધામ
અગાઉ ગયા અઠવાડિયે દિલ્લીની અનેક સ્કૂલમાં પણ ધમકી મળી હતી. જોકે દિલ્લી પોલીસે તપાસ કરતા ધમકી ખોટી સાબિત થઈ હતી. દિલ્હી અને નોઇડાની અનેક શાળાઓને ધમકીભર્યા ઈમેલ મળ્યા હતા. ધમકી આપવામાં આવેલ શાળાઓમાં દ્વારકાની DPS, મયુર વિહારની મધર મેરી અને નવી દિલ્હીની સંસ્કૃતિ સ્કૂલ જેવી હાઈપ્રોફાઈલ શાળાઓ ઉપરાંત નોઈડાની ડીપીએસનો સમાવેશ થાય છે. આ ધમકી બાદ વિદ્યાર્થીઓને ઘરે મોકલી દેવામાં આવ્યા હતા.
