કાળજું પીગળ્યું / નદીમાં મગરોના હાથમાં આવ્યો 6 વર્ષનો છોકરો, પાંદડા જેમ ચાવી ખાધો, કોણે-કેમ ફેંક્યો?

એક કળયુગી માએ પોતાના વ્હાલસોયા દીકરાને મગરોને હાથે મરાવી નાખ્યો. કઠણ કાળજાને પીગળાવી દેતી આ ઘટના કર્ણાટકના બેંગ્લુરુમાં બની છે. કર્ણાટકમાં એક મહિલાએ પોતાના પતિ સાથે ઝઘડો કર્યા બાદ તેના છ વર્ષના બહેરા અને મૂંગા છોકરાને મગરોથી ભરેલી નદીમાં ફેંકી દીધો હતો. જેના દિવસ બાદ બાળકની અડધી ખવાયેલી લાશ મળી આવી હતી. બીજા ઘેર નોકરાણીનું કામ કરતી 32 વર્ષીય સાવિત્રી પોતાના પતિ 36 વર્ષીય રવિ કુમાર સાથે તેમના પુત્ર વિનોદને લઈને અવારનવાર ઝઘડતી હતી, જે જન્મથી જ બહેરા અને મૂંગો હતો. કપલને બીજો બીજો બે વર્ષનો પુત્ર પણ છે. સાવિત્રીનો પતિ કડિયો છે.

પતિએ બાળકને મારી નાખવાનું કહેતો

સાવિત્રીએ પોલીસને જણાવ્યું હતું કે, કડિયા કામ કરતો રવિ તેને વારંવાર ટોણો મારતો હતો અને કહેતો હતો કે તેના પુત્રને નહેરમાં ફેંકીને મારી નાખ. મારો પતિ જવાબદાર છે કારણ કે હું તેને દીકરાને મારી નાખવાનું અવારનવાર કહેતો હતો. આથી મેં આવું કર્યું હતું. શનિવારે પણ તેમની વચ્ચે આવો ઝગડો થયો હતો જે પછી સાવિત્રી પોતાના પુત્રને ઉત્તરા કન્નડ જિલ્લાની નહેરમાં લઈ ગઈ હતી અને નદીમાં ફેંકીને આવતી રહી હતી. નદીના મગરો બાળકને અડધુ ખાઈ ગયાં હતા.

વધુ વાંચો : 'ઘરે જાઓ, તો જોજો, નોટોના પહાડ મળી રહ્યાં છે', ઝારખંડના દરોડા પર PM મોદીનું મોટું નિવેદન

અડધી ખવાયેલી લાશ મળી

સ્થાનિક લોકોએ પોલીસને એલર્ટ કરી હતી, જેમણે ફાયર અધિકારીઓ સાથે મળીને શોધખોળ શરૂ કરી હતી. શોધખોળ આખી રાત ચાલુ રહી હતી અને બીજા દિવસે સવારે બાળકનો મૃતદેહ મળી આવ્યો હતો. જમણો હાથ ગાયબ હતો અને આખા શરીરમાં ખાધેલાના નિશાન હતા, જે સૂચવે છે કે બાળકને મગરે મારી નાખ્યો છે. રવિ અને સાવિત્રી બંનેની ધરપકડ કરવામાં આવી છે અને તેમની સામે હત્યાનો કેસ નોંધવામાં આવ્યો છે.