Health / લોહીની ઉણપને દૂર કરવી છે? તો આજથી જ અપનાવો આ ઉપાય, કણે કણમાં ભરાઈ જશે હીમોગ્લોબિન

• અનેક લોકોના શરીરમાં લોહીની ઊણપ હોય છે
• હીમોગ્લોબિન એક પ્રકારનું પ્રોટીન છે
• શરીરના તમામ અંગોમાં ઓક્સિજન પહોંચાડવાનું કામ કરે છે

અનેક લોકોના શરીરમાં લોહીની ઊણપ હોય છે. ભારતમાં અડધાથી વધુ મહિલાઓ લોહીની ઊણપથી પીડાઈ રહ્યા છે. શરીરમાં લોહીની ઊણપ હોય તો શરીરમાં અનેક બિમારીઓ ઘર કરી જાય છે. હીમોગ્લોબિન એક પ્રકારનું પ્રોટીન છે, જે લાલ રક્ત કોશિકાઓમાં રહેલું હોય છે. જે શરીરના તમામ અંગોમાં ઓક્સિજન પહોંચાડવાનું કામ કરે છે. 

લોહીમાં હીમોગ્લોબિનની ઊણપ હોય તો તેની સીધી અસર ઓક્સિજનના સપ્લાય પર પડે છે અને શરીરના તમામ અંગોમાં ઓક્સિજન પહોંચી શકતું નથી. પુરુષોમાં સરેરાશ પ્રતિ 100 મિલીલીટરમાં 13.5થી  17.5 ગ્રામ હીમોગ્લોબિનની અને મહિલાઓને પ્રતિ 100 મિલીલીટરમાં 12 થી 15.5 ગ્રામ હીમોગ્લોબિનની જરૂર  હોય છે.

હીમોગ્લોબિનની ઊણપ થાય તો આયર્નયુક્ત વસ્તુઓનું સેવન કરવું જોઈએ. કેળા, પાલક, બીંસ, કોબીજ, મસૂરની દાળ, ટોફૂ, સાબુત અનાજ અને દાળમાં સૌથી વધુ આયર્ન હોય છે. 

આયર્નના અવશોષણ માટે વિટામીન સી યોગ્ય પ્રમાણમાં હોવું જરૂરી હોય છે. વિટામીન સી યુક્ત ભોજનનું સેવન કરવાથી આયર્નનું અવશોષણ થાય છે. સાઈટ્રસ ફ્રૂટ, સ્ટ્રોબેરી, લીંબુ, સંતરા અને લીલા શાકભાજીમાં વિટામીન સીનું પ્રમાણ વધુ હોય છે. 

કિશમિશ, ખજૂર, જરદાલુ જેવા ડ્રાય ફ્રુટ્સનું સેવન કરવાથી લોહીની ઊણપ દૂર થાય છે. ફોલેટ વિટામીન બી9નું પ્રાકૃતિક રૂપ છે, જે હીમોગ્લોબિન માટે ખૂબ જ જરૂરી છે. શરીરમાં ફોલેટની વૃદ્ધિ કરવા માટે પાલક, લીલા વટાણા, એવોકાડો, મસૂરની દાળ, રાજમાનું સેવન કરવું જોઈએ. ઈંડા દૂધ, મટન, માછલીસ બીન્સ અને દાળનું સેવન કરવાથી શરીરમાં લોહીની ઊણપ દૂર થાય છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)