વિરોધ / જૂનાગઢમાં સમૂહ લગ્નના આયોજકોની લુચ્ચાઈ, 11-11 હજાર લઈને કરિયાવરમાં દેખાડ્યો ઠેંગો, વર-વધુએ ગામ માથે લીધું

• જૂનાગઢના સમૂહલગ્નમાં નવદંપતીઓ વીફર્યાં
• પોલીસ સ્ટેશન સુધી પહોંચ્યા નવદંપતીઓ
• માનવસેવા ગ્રુપે કર્યું હતું સમૂહલગ્નનું આયોજન

જૂનાગઢના ભવનાથમાં સમૂહ લગ્નમાં નવદંપતી હોબાળો મચાવ્યો છે, વર-કન્યા બંને તરફથી 11-11 હજાર ઉઘરાવાયા હતા ત્યારબાદ પણ કરિયાવર ન મળતા દંપતીઓએ વિરોધ કર્યો હતો જે મામલે  આયોજક કહ્યું હતું કે, લગ્ન પૂર્ણ થયા બાદ કરિયાવર આપવાનો રિવાજ છે.

કરિયાવર ન મળતા ઘમાસાણ 
ભવનાથમાં આયોજીત સમૂહ લગ્નમાં નવદંપત્તીઓ વીફર્યા હતાં. કારણ કે, માનવસેવા ગ્રુપ દ્વારા આયોજિત સમૂહલગ્નમાં નવદંપતીઓને સમયસર કરિયાવર આપવામાં આવ્યું ન હોતું. લગ્નમંડપમાં લગ્નગીત શાંત થયાં બાદ તરત જ આયોજક સામે સૂત્રોચ્ચાર શરૂ થઈ ગયા હતા. સમૂહલગ્નમાં એક યુગલ પાસેથી 22 હજાર રૂપિયાની ફી લઈને કરિયાવર આપવાની વાત કરાયા બાદ એ ન અપાતાં નવદંપતી વીફર્યાં હતાં. 

પોલીસ સ્ટેશન સુધી પહોંચ્યા નવદંપતીઓ
જોકે અહીં માહોલ ગરમાતા આયોજકો કરિયાવર આવી જ રહ્યું હોવાની વાત કરી મામલો શાંત પાડવાનો પ્રયાસ કરતા જોવા મળ્યા હતા. જોકે આ મામલો છેક પોલીસ સ્ટેશન સુધી પહોંચ્યો હતો. કારણ કે, પૈસા લીધા બાદ પણ કોઈ આયોજન યોગ્ય કરિયાવર આપ્યું ન હોતું અને કરિયાવર માટે પણ બબાલો કરવી પડી હતી.