અમદાવાદ / પ્લાસ્ટીકની બે થેલીમાંથી આવી રહી હતી દુર્ગંધ, ખોલ્યું તો આંખો ફાટી રહી

• લાશનું માથું અને આંગળીઓ ઘટના સ્થળે નહોતી
• અસલાલી સર્કલ નજીક માથા વિનાની લાશ બે ટુકડામાં મળી
• લાશ નગ્ન હાલતમાં હતી જેથી તેની ઓળખ કરવી મુશ્કેલ હતી

માથા વગરની બે ટુકડામાં લાશ મળી

અસલાલી સર્કલ નજીક આવેલી એક ચાની કીટલી આ પાસે પ્લાસ્ટિકની બે થેલીમાં અત્યંત દુર્ગંધ મારતી હતી. ચાની કીટલી ધરાવતી વ્યક્તિએ આ અંગે તરત જ પોલીસને જાણ કરી હતી. ઘટનાની ગંભીરતાં લઈને પોલીસ અને ઉચ્ચ અધિકારીઓની ટીમ ઘટનાસ્થળે પહોંચી ગઈ હતી. પોલીસે પ્લાસ્ટિકની થેલી ખોલીને તપાસ કરતાં તેઓ ચોંકી ગયા હતાં. પ્લાસ્ટિકની બે થેલીમાં માથા વગરની લાશ હતી. 

લાશનું માથુ અને આંગળીઓ ઘટના સ્થળે નહોતી

અજાણ્યાં યુવકની અત્યંત ક્રૂરતાપૂર્વક હત્યા કરીને તેના માથાને ધડથી અલગ કરી દેવામાં આવ્યું હતું. આ સિવાય યુવકની ઓળખ થાય નહીં તે માટે તેની તમામ આંગળી પણ કાપી લેવામાં આવી હતી. ઘટનાં સ્થળેથી માથું અને આંગળીઓ મળી આવી નહોતી. અસલાલી પોલીસે હત્યાનો ગુનો દાખલ કરીને હત્યારાઓને પકડવા માટેની તજવીજ શરૂ કરી છે.

લાશ નગ્ન હાલતમાં હતી

યુવકનાં કપડાં પરથી તેની ઓળખ થાય નહીં તે માટે હત્યારાએ હત્યા કર્યા બાદ કપડાં પણ કાઢી લીધાં હતાં. નગ્ન હાલતમાં લાશનાં બે કટકા કરીને અલગ અલગ બ્લૂ કલરની બે પ્લા‌સ્ટિકની થેલીમાં ભરીને જાહેરમાં ફેંકી દેવામાં આવી હતી. પોલીસને શંકા છે કે જે યુવકની હત્યા થઈ છે તે કોઈ ક્રિ‌મિનલ પ્રવૃત્તિ સાથે પણ જોડાયેલો હોઈ શકે છે. જેના કારણે તેની આંગળીઓ કાપી લેવામાં આવી છે.