ઈમરજન્સી લેન્ડીંગ / સોનિયા-રાહુલે બેંગ્લુરુથી ભરી દિલ્હીની ઉડાણ, પણ વચ્ચે પડ્યો 'વિલન', ઈમરજન્સીમાં ભોપાલ ઉતરવું પડ્યું

• બેંગ્લુરુમાંથી વિપક્ષની બેઠકમાંથી દિલ્હી આવી રહ્યાં હતા રાહુલ-સોનિયા
• વચ્ચે નડ્યું ખરાબ હવામાન
• વિમાનને અચાનક ભોપાલ એરપોર્ટ પર ઉતારવું પડ્યું  

કોંગ્રેસ અધ્યક્ષ સોનિયા ગાંધી અને રાહુલ ગાંધીની ફ્લાઈટનું સોમવારે ભોપાલ એરપોર્ટ પર ઈમરજન્સી લેન્ડીંગ કરાવવું પડ્યું હતું. બેંગ્લુરુમાં વિપક્ષી પાર્ટીઓની મોટી બેઠક અટેન્ડ કર્યાં બાદ સોનિયા અને રાહુલે દિલ્હીની ઉડાણ ભરી હતી પરંતુ વચ્ચે ખરાબ હવામાનને કારણે આગળ વધી શકે તેવી સ્થિતિ નહોવાથી તેમના વિમાનને ભોપાલ એરપોર્ટ પર ઉતારી મૂકવું પડ્યું હતું. 

The aircraft carrying Congress leaders Sonia Gandhi and Rahul Gandhi makes an emergency landing in MP's Bhopal due to bad weather, say Bhopal police. pic.twitter.com/4XJVEl7Mq9

— ANI (@ANI) July 18, 2023

ખરાબ હવામાન નડ્યું
સોનિયા-રાહુલના વિમાનનું ભોપાલના રાજા ભોજ એરપોર્ટ પર ઈમરજન્સી લેન્ડિંગ કરાવવામાં આવ્યું છે. સોનિયા અને રાહુલ ગાંધી ચાર્ટર્ડ ફ્લાઇટ દ્વારા બેંગલુરુથી દિલ્હી જઇ રહ્યા હતા પરંતુ વચ્ચે હવામાન ખરાબ થઈ જતાં તેમને અધવચ્ચે ઉતરવું પડ્યું હતું.  

હવે ઈન્ડીગો એરલાઈન્સથી રવાના થશે
હવામાન સારુ થતાં હવે સોનિયા-રાહુલ  ઈન્ડીગો એરલાઈન્સથી ફ્લાઈટથી દિલ્હી પહોંચશે પરંતુ હાલ પુરતું તો તેમણે ભોપાલ એરપોર્ટ પર રહેવું પડ્યું છે. 

બેંગલુરુમાં વિપક્ષની મોટી બેઠક, 26 પાર્ટીઓ હાજર રહી
આજે બેંગ્લુરુમાં કોંગ્રેસની આગેવાનીમાં વિપક્ષની મોટી બેઠક મળી હતી જેમાં 26 પાર્ટીઓ હાજર રહી હતી અને તેમણે એક નવું ગઠબંધન કરવાનો નિર્ણય કર્યો છે જેનું નામ  INDIA આપવામાં આવ્યું છે. રાહુલ અને સોનિયા આ બેઠકમાંથી પાછા દિલ્હી જતા હતા.