ટાટા ગ્રુપ / વાહ ગજબ.! ભારતની આ દિગ્ગજ કંપનીએ સિનિયર કર્મચારીઓની સેલેરીમાં કર્યો બમ્પર વધારો, 62% સુધી આપ્યું ઈન્ક્રીમેન્ટ

• ટાટા ગૃપે કર્મચારીઓને સારા સમાચાર આપ્યા 
• કર્મચારીઓના પગારમાં 16થી 62 ટકાનો વધારો કર્યો
• ટાટા ગૃપ 10 વર્ટિકલ્સમાં 30 કંપનીઓનું સંચાલન કરે છે

વિશ્વમાં વધતી મોંઘવારીને કારણે અનેક કંપનીઓ છટણી અને વેતનમાંથી પગાર કાપી લેવાનો નિર્ણય લઈ રહી છે. ટાટા ગૃપે કર્મચારીઓને એક સારા સમાચાર આપ્યા છે. દેશની દિગ્ગજ કંપની ટાટા ગૃપે સિનિયર એક્ઝીક્યુટીવના પગારમાં 16થી 62 ટકાનો વધારો કર્યો છે. આ પ્રકારે ટાટા ગૃપે ટોપ એક્ઝીક્યુટીવને શાનદાર ભેટ આપી છે. ટાટા ગૃપની કંપની- ઈન્ડિયન હોટલ્સ, ટાટા પાવર, ટ્રેંટ અને ટાટા કન્ઝ્યુમરના સિનિયર ઓફિસરના પગારમાં 16થી 62 ટકાનો વધારો કર્યો છે. ટાટા ગૃપ 10 વર્ટિકલ્સમાં 30 કંપનીઓનું સંચાલન કરે છે. 

CEOને કેટલુ પેમેન્ટ આપવામાં આવ્યું
મીડિયા રિપોર્ટ અનુસાર ટ્રેંટ લિમિટેડના CEO પી વેંકાટેશાલુને આ વર્ષે ટાટા ગૃપે પગાર તરીકે 5.12 કરોડ રૂપિયાની ચૂકવણી કરી છે. ગયા વર્ષની સરખામણીએ આ વર્ષનો પગાર 62% વધુ છે. ઈન્ડિયન હોટલ્સમાં તેમના સમકક્ષ પુનિત ચટવાલને વાર્ષિક 18.23 કરોડ રૂપિયાનો પગાર આપવામાં આવ્યો, આ પ્રકારે તેમના પગારમાં 37%નો વધારો કરવામાં આવ્યો છે. સુનિલ ડિસોઝા અને પ્રદીપ બખ્શી અનુક્રમે ટાટા કન્ઝ્યુમર અને વોલ્ટાસના CEO છે. આ બંને CEOને અનુક્રમે 9.5 કરોડ રૂપિયા અને 3.8 કરોડ રૂપિયાનો પગાર આપવામાં આવ્યો. જેથી તેમના પગારમાં અનુક્રમે 24% અને 22%નો વધારો કરવામાં આવ્યો છે. 

ટાટા પાવરના CEOના પગારમાં 16%નો વધારો
ટાટા કેમિકલ્સ અને ટાટા પાવરના CEOના પગારમાં 16%નો વધારો કરવામાં આવ્યો છે. ટાટા કેમિકલ્સના CEO આર.મુકુંદન અને ટાટા પાવરના CEO પ્રવીર સિન્હાનો પગાર 16% વધ્યો છે. આ વર્ષે તેમને પગાર તરીકે અનુક્રમે 8 કરોડ રૂપિયા અને 9 કરોડ રૂપિયાની ચૂકવણી કરવામાં આવી. રિપોર્ટ અનુસાર ટાટા કન્સલટન્સી સર્વિસના પૂર્વ CEO રાજેશ ગોપીનાથનને પણ 29.1 કરોડ રૂપિયાની ચૂકવણી કરવામાં આવી છે. 

વર્ષ 1868માં ટાટા ગૃપની સ્થાપના
વર્ષ 1868માં જમશેદજી ટાટાએ ટાટા ગૃપની સ્થાપના કરી હતી. જેની મુખ્ય ઓફિસમાં મુંબઈ શહેરમાં છે અને ભારતનું સૌથી મોટું બિઝનેસ ગૃપ છે. આ બિઝનેસ 100 દેશોમાં વિસ્તારિત થયો છે. વર્ષ 2021-2022 દરમિયાન ટાટા ગૃપની કંપનીઓની રેવન્યૂ 128 અરબ ડોલર (9.6 ટ્રિલિયન રૂપિયા) હતી. ટાટા ગૃપની 30 કંપનીઓમાં 9,35,000 લોકો કામ કરે છે.