નિવેદન / સોમનાથ મંદિરના કાર્યક્રમમાં PM મોદીએ કહેલી વાત તાલિબાનને ખૂંચી ગઈ, કહ્યું ભારત જલ્દી જોશે

• દિલાવરે કહ્યું કે ભારત જલ્દી જોશે કે તાલિબાન દેશોને યોગ્ય રીતે ચલાવી શકે છે
• ભારતને ચેતવણી આપતા તાલિબાને કહ્યું અફઘાનના આંતરીક મામલામાં દખલ ન આપે
• આતંકના દમ પર મેળવેલી સત્તા લાંબી નથી ચાલતી- મોદી

તાલિબાને દાવો કર્યો છે કે તેમનું સંગઠન સફળ રહેશે

તાલિબાનના પ્રમુખ નેતા શહાબુદ્દીન દિલાવરે આને પડકાર તરીકે લેતા દાવો કર્યો છે કે તેમનું સંગઠન સફળ રહેશે. પીએમ મોદીની વાત પર પ્રતિક્રિયા આપતા દિલાવરે કહ્યું કે ભારત જલ્દી જોશે કે તાલિબાન દેશોને યોગ્ય રીતે ચલાવી શકે છે. પીએમ નરેન્દ્ર મોદીએ સોમનાથ મંદિર સાથે જોડાયેલા વિકાસના કાર્યોનું ઉદ્યાટન અને શિલાન્યાસ કરતા કહ્યું કે તાલિબાનનો ઉલ્લેખ નામ લીધા વગર  કર્યો હતો.

આતંકના દમ પર મેળવેલી સત્તા લાંબી નથી ચાલતી- મોદી

પીએમ મોદીએ કહ્યું હતુ તે ભગવાન સોમનાથનું મંદિર આજે ભારત જ નહીં સમગ્ર વિશ્વ માટે એક વિશ્વાસ છે. જે તોડનારી શક્તિયો છે... જે આતંકના દમ પર સામર્થ્ય ઉભુ કરવાના વિચારો ધરાવે છે. તે કોઈ કાળક્રમમાં ભલે થોડાક સમય માટે હાવી થઈ જાય પણ તેમનું અસ્તિત્વ ક્યારેય સ્થાઈ નથી હોતું. તે વધારે દિવસો સુધી માનવતાને દબાવીને ન રાખી શકે. પ્રધાનમંત્રીના આ નિવેદનને અફઘાનિસ્તાનની પરિસ્થિતિ સાથે જોડીને જોવામાં આવી રહ્યું છે.

ભારતને ચેતવણી આપતા તાલિબાને કહ્યું અફઘાનના આંતરીક મામલામાં દખલ ન આપે

તાલિબાન નેતાએ રેડિયો પાકિસ્તાનને આપેલા ઈન્ટરવ્યૂહમાં ભારતને એ પણ ચેતવણી આપી છે કે અફઘાનિસ્તાનના આંતરીક મામલામાં દખલ ન આપે. દિલાવરે કહ્યું કે પાકિસ્તાનને મિત્ર દેશ ગણાવતા 30 લાખથી વધારે અફઘાનિઓને શરણ આપવા બદલ આભાર વ્યક્ત કર્યો. દિલાવરે એમ પણ કહ્યું કે તાલિબાન દર રોજ દેશની સાથે શાંતિપૂર્ણ અને પરસ્પર સન્માનનો સંબંધ ઈચ્છે છે.