7 ફોટો ગેલેરી

વિશ્વ / મધદરિયે ઉઠેલી તબાહી 3 દેશમાં હાહાકાર મચાવશે, 300 કિમીની ગતિએ પવન ફૂંકાયો, હવાઈ ઉડાણ પર રોક લગાવાઈ

Last Updated: 05:40 PM, 25 October 2026

FOLLOW ON

શેર કરો

300 કિમી પ્રતિ કલાકની ઝડપે ફુંકાયેલા પવનો સાથે આવેલ ચાંપી વાવાઝોડાએ તાઇવાન, જાપાન અને દક્ષિણ કોરિયામાં ભારે તારાજી સર્જી છે અને હવે તે ચીન તરફ આગળ વધી રહ્યું છે.

1/7

1. મધદરિયે ઉઠેલી તબાહી 3 દેશમાં હાહાકાર મચાવશે, 300 કિમીની ગતિએ પવન ફૂંકાયો, હવાઈ ઉડાણ પર રોક લગાવાઈ

પ્રશાંત મહાસાગરમાંથી ઉદ્ભવેલું અત્યંત શક્તિશાળી વાવાઝોડું ચાંપી તાઇવાન અને જાપાનના દક્ષિણ દ્વીપોમાં ભારે તારાજી સર્જ્યા બાદ હવે ચીન તરફ આગળ વધી રહ્યું છે. આ વર્તમાન મોસમનું સૌથી ભયાનક વાવાઝોડું સાબિત થયું છે, જેણે કેટેગરી-5 ના જોખમી સ્તરને સ્પર્શીને 300 કિલોમીટર પ્રતિ કલાકની પ્રચંડ ગતિએ વિનાશ વેર્યો છે. પૂર્વ એશિયાના દેશોમાં ભારે હોનારત સર્જ્યા બાદ આ વાવાઝોડું હવે દક્ષિણ એશિયા અને ચીન તરફ ઝડપથી વધી રહ્યું છે. આ વાવાઝોડાના કારણે ચક્રવાતી પવનો, મુસળધાર વરસાદ અને અનેક વિસ્તારોમાં પૂર જેવી ગંભીર સ્થિતિ નિર્માણ પામી છે. હજારો ઘરોમાં વીજ પુરવઠો ખોરવાઈ ગયો છે, જ્યારે સેંકડો હવાઈ ઉડ્ડયનો રદ કરવાની ફરજ પડી છે. સ્થાનિક પ્રશાસને લોકોને અત્યંત સાવચેત રહેવા અને સુરક્ષિત સ્થળોએ ખસી જવા કડક સૂચના આપી છે.

આ તસવીર શેર કરો

2/7

2. પવનની ઝડપ આશરે 300 કિલોમીટર પ્રતિ કલાક

જોકે, સંયુક્ત વાવાઝોડા ચેતવણી કેન્દ્રના અદ્યતન અહેવાલ મુજબ, ચાંપી વાવાઝોડાની તીવ્રતામાં આંશિક ઘટાડો થતાં તેને હવે ચક્રવાતમાંથી ઘટાડીને ઉષ્ણકટિબંધિય વાવાઝોડાની શ્રેણીમાં મુકવામાં આવ્યું છે. હાલમાં તેના પવનની ઝડપ આશરે 102 કિલોમીટર પ્રતિ કલાક નોંધાઈ છે. આમ છતાં, આ પૂર્વે સમુદ્ર પર આ વાવાઝોડા દરમિયાન સતત ફુંકાતા પવનોની મહત્તમ ઝડપ 300 કિલોમીટર પ્રતિ કલાક સુધી પહોંચી ગઈ હતી.

આ તસવીર શેર કરો

3/7

3. તાઇવાનમાં 1 વ્યક્તિનું મોત, 600 થી વધુ લોકો ઇજાગ્રસ્ત

તાઇવાનમાં વાવાઝોડાના મહાપ્રકોપ સામે રક્ષણ મેળવવા માટે પ્રશાસન દ્વારા 5,000 થી પણ વધુ લોકોને સુરક્ષિત સ્થળોએ ખસેડવામાં આવ્યા છે. ભારે પવનના કારણે વિજળીના થાંભલા અને વિશાળ વૃક્ષો ધરાશાયી થઈ ગયા છે, તેમજ અનેક નીચાણવાળા વિસ્તારોમાં જળબંબાકારની સ્થિતિ સર્જાઈ છે.

આ તસવીર શેર કરો

4/7

4. 3.40 લાખ ઘરોમાં વીજળી ગુલ

ગત 22 ઓક્ટોબરથી વાવાઝોડા અંગેની પ્રથમ ચેતવણી જારી કરાયા બાદ અત્યાર સુધીમાં 1 વ્યક્તિનું કરૂણ મોત નીપજ્યું છે અને 600 થી વધુ લોકો ગંભીર રીતે ઇજાગ્રસ્ત થયા છે. આ હોનારતથી આશરે 3.40 લાખ ઘરોમાં વીજળી ગુલ થઈ ગઈ હતી. સત્તાવાળાઓના જણાવ્યા અનુસાર, તેમાંથી 90 ટકાથી વધુ ઘરોમાં વીજ પુરવઠો પુનઃસ્થાપિત કરી દેવામાં આવ્યો છે. આ ઉપરાંત તાઇવાનમાં આશરે 1000 જેટલી વિમાન ઉડ્ડયનો રદ કરવી પડી હતી. જેમાં 262 સ્થાનિક ઉડ્ડયનો અને 717 આંતરરાષ્ટ્રીય ઉડ્ડયનોનો સમાવેશ થાય છે.

આ તસવીર શેર કરો

5/7

5. ચીનમાં ભારે વરસાદ અને વાવાઝોડાનો મોટો ખતરો

વાવાઝોડું ચીનના પૂર્વ કિનારા તરફ આગળ વધી રહ્યું હોવાથી શાંઘાઈ, જિયાંગ્સુ અને ઝેજિયાંગ સહિતના વિશાળ વિસ્તારોમાં ભારેથી અતિભારે વરસાદની ચેતવણી આપવામાં આવી છે. શાંઘાઈમાં હજારો નાગરિકોને આશ્રયસ્થાનોમાં ખસેડાયા છે અને કેટલીક રેલ સેવાઓ સ્થગિત કરી દેવામાં આવી છે.

આ તસવીર શેર કરો

6/7

6. દક્ષિણ કોરિયાના જેજુ દ્વીપ પર પણ ગંભીર અસર

ચાંપી વાવાઝોડાના પ્રભાવથી દક્ષિણ કોરિયાના જેજુ દ્વીપ પર પણ સતત મૂષળધાર વરસાદ પડી રહ્યો છે. માઉન્ટ હલ્લાના કેટલાક વિસ્તારોમાં 285 મિલીમીટર સુધીનો રેકોર્ડ વરસાદ નોંધાયો છે. ચક્રવાતી પવનોના કારણે હવાઈ અને નૌકા સેવાઓ ખોરવાઈ ગઈ છે, જ્યારે નેશનલ પાર્કના તમામ 7 પગપાળા માર્ગો સંપૂર્ણપણે બંધ કરી દેવાયા છે.

આ તસવીર શેર કરો

7/7

7. જાપાનમાં વિમાન સેવાઓ રદ કરાઈ

જાપાનના ઓકિનાવા વિસ્તારમાં વાવાઝોડાના કારણે 2 લોકો ઇજાગ્રસ્ત થયા હોવાના અહેવાલ છે. અનેક વિમાન સેવાઓ રદ થતાં પ્રવાસીઓને પરત ફરવા માટે લાંબી રાહ જોવી પડી હતી. હવામાન સંસ્થાઓના જણાવ્યા મુજબ, ચાંપી વાવાઝોડું આગળ વધવાની સાથે ભલે નબળું પડી રહ્યું હોય, પરંતુ અત્યંત ભારે વરસાદ, ઝડપી પવનો અને સમુદ્રમાં ઊંચા મોજાં ઉછળવાનું જોખમ હજુ પણ યથાવત છે.

આ તસવીર શેર કરો

સંકળાયેલા મુદ્દાઓ

SuperTyphoonChampi TyphoonChampi WeatherAlert