ક્રિકેટ / ક્રિકેટમાં ફરી ફિક્સિંગનું ભૂત ધૂણ્યું: આ ખેલાડીઓ આવ્યા રડાર પર, સ્પોર્ટ્સ જગતમાં ખળભળાટ

• ક્રિકેટમાં સ્પૉટ ફિક્સિંગનો મામલો ફરીથી સામે આવ્યો
• બાંગ્લાદેશી ખેલાડીઓ પર ફિક્સિંગનો આરોપ 
• એક ઓડિયો ટેપ થઈ વાયરલ 

ક્રિકેટમાં સ્પૉટ ફિક્સિંગની વાત વખત ફરીથી સામે આવી

એક ઓડિયો ટેપ વાયરલ થઇ છે, જેમાં બાંગ્લાદેશની એક સિનિયર ખેલાડી પોતાના ટીમમેટ સાથે ફિક્સિંગને લઇને વાત કરી રહી છે. ક્રિકેટમાં સ્પૉટ ફિક્સિંગની વાત એક વખત ફરીથી સામે આવી છે. ઢાકાના ન્યુઝ આઉટલેટ જમુના ટીવીએ એક ઑડિયો ટેપ જાહેર કરી જેમાં બાંગ્લાદેશની બે મહિલા ક્રિકેટર વાતચીત કરી રહી છે. જેમાંથી એક ખેલાડીનુ નામ લતાા મંડલ જણાવવામાં આવી રહ્યું છે, જે બાંગ્લાદેશની ટીમ સાથે સાઉથ આફ્રિકામાં છે. તો બીજો ક્રિકેટર શોહેલી અખ્તર છે, જે હાલ બાંગ્લાદેશમાં છે. 

શોહેલી અખ્તર એક સટ્ટાબાજ દ્વારા લતા મંડલને ફિક્સિંગની ઑફર આપી

વાયરલ ઑડિયો ટેપ મુજબ શોહેલી અખ્તર એક સટ્ટાબાજ દ્વારા લતા મંડલને ફિક્સિંગની ઑફર આપી. ટી20 વર્લ્ડ કપમાં બાંગ્લાદેશ અને ઓસ્ટ્રેલિયા વચ્ચે મેચ યોજાયા બાદ આ મામલો સામે આવ્યો છે. ઑડિયોમાં શોહેલી કહે છે, હું કઈ પણ બળજબરીથી કરતી નથી. તમે ઈચ્છો તો રમી શકો છો. તમે આ વખતે રમી શકો છો કે નહીં. તમે પસંદ કરો કે તમે કઈ મેચમાં ફિક્સિંગ કરવા માગો છો. તમારી જ્યારે પણ મરજી હોય ત્યારે તમે ફિક્સિંગ કરી શકો છો અને જો તમે ફિક્સિંગ ના કરવા માંગતી હોય તો કોઈ વાત નહીં. જો તમે એક મેચ સારી રમો છો તો બીજામાં તમે સ્ટમ્પિંગ અથવા હિટ વિકેટ આઉટ થઇ શકો છો. 

લતાએ બીસીબીને કરી ફરિયાદ 

જવાબમાં લતા મંડલે કહ્યું, ના મારા મિત્ર, હું આ બધી વસ્તુઓમાં સામેલ નથી. મહેરબાની કરીને મને આ વસ્તુઓ ના જણાવશો.  હું આ વસ્તુઓ ક્યારેય નહીં કરી શકુ. હું તમને વિનંતી કરુ છુ કે મહેરબાની કરીને મને આ વાત ના જણાવશો. બાદમાં લતાએ તેની ફરિયાદ બાંગ્લાદેશ ક્રિકેટ બોર્ડ અને ટીમ મેનેજમેન્ટને કરી હતી. બીસીબીના મુખ્ય કાર્યકારી અધિકારી નિજામુદ્દીન ચૌધરીએ ઈએસપીએન ક્રિકઈન્ફોને કહ્યું, આઈસીસીનુ એન્ટી કરપ્શન યુનિટ આ મામલાને જોવે છે. આ બીસીબીની તપાસનો વિષય નથી.