વાયરલ / સોફ્ટવેર એન્જિનિયરે LinkedIn પર પત્ની અંગે શેર કરી એક પોસ્ટ, સોશિયલ મીડિયા પર શરૂ થયો વિવાદ

LinkedIn વિશે બધાને જ જાણકારી હશે. આ એક પ્રોફેશનલ નેટવર્કિંગ સાઇટ છે, જે બિઝનેસ અને વર્કિંગ પ્રોફેશનલ માટે બનાવવામાં આવેલી છે. આ સાઇટ યુઝરને એ લોકોના નેટવર્ક સાથે જોડે છે જેમને તેઓ પ્રોફેશનલ રીતે જાણે છે. અહીં તમને ઘણી એવી પોસ્ટ જોવા મળશે, જે યુઝર્સનું ધ્યાન ખેંચે છે, જેની શરૂઆત 'Urgent Hiring' શબ્દથી થાય છે. પરંતુ આ પ્લેટફોર્મ પર એક સોફ્ટવેર એન્જીનીયરે કંઇક એવું શેર કરી દીધું છે, જેને લઈને વિવાદ થઈ ગયો છે. 

જિતેન્દ્ર સિંહ નામના LinkedIn યુઝરની જે પોસ્ટે લોકોનું ધ્યાન ખેંચ્યું છે, એમાં કહેવામાં આવ્યું છે કે એ એક 'Junior Wife'ની શોધમાં છે, અને તેને આ હાયરિંગ તાત્કાલિક કરવી છે. પોસ્ટમાં જુનિયર વાઇફના સિલેકશન પર પગાર કેટલો હશે, ઇન્ટરવ્યુના કેટલા રાઉન્ડ થશે, અને અનુભવ કેટલો હોવો જોઈએ અને કારકિર્દીનાં લેવલનો ઉલ્લેખ પણ કરવામાં આવ્યો છે. 

દેખીતું છે કે કોઈ પ્રોફેશનલ સાઇટ પર આ પ્રકારની પોસ્ટ જોઇને કોઈ પણ ચોંકી જશે. જો કે જિતેન્દ્રએ પોસ્ટમાં છેલ્લે એમ પણ લખ્યું છે કે આનો ઉદ્દેશ માત્ર મજાક કરવું છે, પણ ઘણા LinkedIn યુઝર્સને તેમનો આ અંદાજ જરાક પણ પસંદ નથી આવ્યો. કેટલાકને આના પર હસવું આવ્યું તો ઘણા લોકોને આ મહિલાઓ પ્રત્યે અપમાનજનક લાગ્યું છે. 

આ છે એ પોસ્ટ જેના પર થયો વિવાદ - 

 

લોકોએ કોમેન્ટમાં કર્યો કટાક્ષ

એક યુઝરે લખ્યું છે કે આવી બકવાસ પોસ્ટને જોઇને લાગે છે કે તમને તાત્કાલિક ડોક્ટરની જરૂર છે. તો બીજા યુઝરે સલાહ આપતા લખ્યું કે આ પ્રકારની પીકઅપ લાઇનો કોઈ ડેટિંગ સાઇટ અથવા મેટ્રિમોનિયલ એપ્સ પર પોસ્ટ કરશે તો વધુ ફાયદાકારક રહેશે. તમે ખોટી જગ્યાએ પોસ્ટ કરી લીધી. તો અન્ય એક યુઝરે લખ્યું છે કે કેટલાક લોકો LinkedInને પણ ઇન્સ્ટાગ્રામ અને ફેસબુક બનાવવાના પ્રયાસો કરી રહ્યા છે. 

વધુ વાંચો: હાઈટમાં મોટો ફર્ક તો લોકો કપલને પૂછવા લાગ્યાં ગંદા ગંદા સવાલો, કંટાળી ગયાં

કેટલાકને ક્રિએટીવ લાગી પોસ્ટ 

જોકે એવા યુઝર્સની સંખ્યાની કમી નથી કે જેમને આ પોસ્ટ ઘણી મજેદાર અને ક્રિએટીવ લાગી. ઘણાએ મજા લેતા લહ્યું છે કે સીનીયર પોઝીશનની હાયરિંગ થાય તો જરૂર જણાવજો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો