તમારા કામનું / ઘસી ઘસીને ફોન સાફ કરવાની ટેવ તમારા ખિસ્સાં ખાલી કરાવશે! રિપેરિંગમાં યાદ આવી જશે નાની, જાણો યોગ્ય રીત

• રગડી રગડીને ફોન સાફ ના કરવો
• પર સ્ક્રેચ પડવાની અને ડેમેજ થવાની સંભાવના
• સ્માર્ટફોન ખરાબ પણ થઈ શકે છે

સ્માર્ટફોનને સ્વચ્છ રાખવો ખૂબ જ જરૂરી છે. અનેક લોકો થોડી થોડી મિનિટે ફોન સાફ કરતા રહે છે. અનેક વાર તમે જોયું હશે કે, યૂઝર્સ રગડી રગડીને ફોન સાફ કરવાની કોશિશ કરે છે. જેના કારણે સ્માર્ટફોન પર સ્ક્રેચ પડવાની અને ડેમેજ થવાની સંભાવના રહે છે. તમે પણ આ રીતે સ્માર્ટફોન સાફ કરો છો, તો તે પ્રકારે બિલ્કુલ ના કરવું જોઈએ. જો તમે આ બાબત પર ધ્યાન નહીં પો તો તમારો સ્માર્ટફોન ખરાબ પણ થઈ શકે છે અને તે ઠીક કરાવવામાં તમને આંટા આવી જશે. 

તમે કદાચ વિચારી રહ્યા હશો કે હવે સ્માર્ટફોન સાફ કરવો કેવી રીતે. તમારે પરેશાન થવાની બિલ્કુલ પણ જરૂર નથી. અહીંયા અમે તમને સ્માર્ટફોન ક્લીન કરવાની કેટલીક ટિપ્સ જણાવી રહ્યા છીએ, જે ફોલો કરવાથી સ્માર્ટફોન બગડશે નહીં. 

લિક્વિડ ક્લીનરનો ઉપયોગ કરો
સ્માર્ટફોન સાફ કરતા પહેલા સ્વિચ ઓફ કરી દેવો જોઈએ. સ્માર્ટફોન સાફ કરવા માટે સામાન્ય ક્લીનરની જગ્યાએ આલ્કોહોલયુક્ત ક્લીનરનો ઉપયોગ કરવો જોઈએ. આ પ્રકારે કરવાથી તમારો સ્માર્ટફોન સાફ થશે અને જર્મ ફ્રી બની જશે. 

માઈક્રોફાઈબર ક્લોથથી સ્માર્ટફોન સાફ કરો
સ્માર્ટફોન પર જામી ગયેલ ડસ્ટ સાફ કરવા માટે નોર્મલ કપડાની જગ્યાએ માઈક્રોફાઈબર કપડાનો ઉપયોગ કરવો જોઈએ. આ પ્રકારે કરવાથી સ્માર્ટફોન પર સ્ક્રેચ નહીં પડે. ઉપરાંત સ્માર્ટફોનની ડિસ્પ્લેને નુકસાન નહીં થાય. 

ધારદાર વસ્તુઓનો ઉપયોગ ના કરવો
સ્માર્ટફોનના ઓડિયો જેક અથવા ચાર્જિંગ પોર્ટ અને સ્પીકર ગ્રિલ સાફ કરવા માટે ધારદાર વસ્તુઓનો ઉપયોગ ના કરવો. આ પ્રકારે કરવાથી સ્માર્ટફોનના પાર્ટ સંપૂર્ણપણે ડેમેજ થઈ શકે છે. 

નોંધ- અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.