OMG / 1 મહિનો ફોનની ટેવ છોડી મૂકો અને 8 લાખ જીતો! અનોખા કોન્ટેસ્ટની જાહેરાત, 10 લોકો હશે લકી

• દહીં બનાવતી કંપની લાવી અનોખી સ્પર્ધા 
• ડિજિટલ ડિકોક્સ સ્પર્ધાનાં વિજેતાને મળશે મોટી રકમ
• 8.31 લાખ રૂપિયા સાથે અન્ય ગિફ્ટ્સ

દુનિયામાં ભિન્ન-ભિન્ન પ્રકારની સ્પર્ધા થતી હોય છે જેમાં મોટા-મોટા ઈનામો આપવામાં આવતાં હોય છે. થોડા સમય પહેલાં કોણ સૌથી વધુ સમય સુધી ઊંઘી શકે છે તેને લઈને સ્પર્ધા થઈ હતી. તો હવે દહીં બનાવતી એક કંપનીએ નવી સ્પર્ધાની જાહેરાત કરી છે.  આઈસલેંડિક યોગર્ટ બ્રાંડ સિગ્ગીએ ' ડિજિટલ ડિટોક્સ પ્રોગ્રામ' નામક એક સ્પર્ધા યોજી છે. આ સ્પર્ધામાં સ્પર્ધકે એક મહિના માટે પોતાનો ફોન અને ડિજિટલ આઈટમ છોડવા પડશે. વિજેતાઓમાંથી કોઈ 10 લોકોને 10000 ડોલર એટલે કે 8.31 લાખ રૂપિયા આપવામાં આવશે.

રેટ્રો ફ્લિપ ફોન
લોકપ્રિય 'ડ્રાય જાન્યુઆરી'થી પ્રેરિત થઈને સિગ્ગીએ કહ્યું કે આ સ્પર્ધા અંતર્ગત અમે તમને પોતાના ફોનથી નિકળીને દુનિયા સાથે ફરી જોડાવા માટે ચેલેન્જ આપી રહ્યાં છીએ. કોન્ટેસ્ટમાં ભાગ લેવા માટે સિલેક્ટ થયેલા લોકોએ પોતાના સ્માર્ટફોનને એક બોક્સમાં મૂકી જમા કરાવવો પડશે અને એક મહિના સુધી તેમણે એનાલોગ જીવન વિતાવવું પડશે. એટલે કે ડિજિટલ દુનિયાથી બહાર નિકળીને બહારી દુનિયા સાથે સંબંધ બનાવવો પડશે. તેમના ડિજિટલ બ્રેકનાં બદલામાં વિજેતાઓને 10000 ડોલર મળશે. ઈમરજેંસી માટે પ્રીપેડ સિમ કાર્ડની સાથે એક રેટ્રો ફ્લિપ ફોન અને તેમના ટેકનોલોજી ફ્રી સાહસિક કાર્ય માટે ત્રણ મહિના માટે ફ્રીમાં સિગ્ગી યોગર્ટ આપવામાં આવશે.

સ્માર્ટફોનથી બ્રેકનો ચેલેન્જ
કંપનીએ આ સ્પર્ધાની ઘોષણા પોતાની વેબસાઈટ પર કરતાં કહ્યું કે," અમે આ વર્ષે એક નવા પ્રકારનાં ડ્રાય જાન્યુઆરી થીમ લાવ્યાં છીએ. એક મહિના સુધી દારુથી દૂર રહેવાની જગ્યાએ અમે તમને તમારો સ્માર્ટફોન છોડવાનો ચેલેન્જ આપીએ છીએ. અમે ઓછા ડિસ્ટ્રેક્શનની સાથે એક સરળ જીવન જીવવાની શક્તિમાં વિશ્વાસ રાખીએ છીએ. આજે આપણાં જીવનમાં સૌથી મોટું ડિસ્ટ્રેક્શન હોય તો તે આપણો ફોન છે. એવરેજ વ્યક્તિ દરરોજ પોતાના ફોન પર 5.4 કલાક વિતાવે છે."

વધુ વાંચો: જીમમાં જવા માટે કઇ ઉંમર સૌથી બેસ્ટ? જાણી લો, નહીં તો બોડી બનાવવાના ચક્કરમાં ક્યાંક...!

31 જાન્યુઆરી સુધી રજિસ્ટ્રેશન 
આ સ્પર્ધા માટે રજિસ્ટ્રેશન 31 જાન્યુઆરી સુધી ચાલુ રહેશે. તેવામાં જો તમે તમારી ડિજિટલ લાઈફથી બ્રેક લઈને ઈનામ જીતવા ઈચ્છો છો તો સિગ્ગીની વેબસાઈટ પર રજિસ્ટર કરી શકો છો. જો તમે ભાગ્યશાળી રહ્યાં તો તમે ઈનામ જીતી શકશો. કંપનીની વેબસાઈટ : https://hello.siggis.com/digital-detox