સિનેમા / ગંભીરતાનો મેસેજ પહોંચાડવા ‘શુભયાત્રા’ જેવી મનોરંજન સાથે સંપૂર્ણ પારિવારિક ફિલ્મોની વધુ જરૂર

• 'કેરલા સ્ટોરીઝ' સામે પણ ટકી રહી ‘શુભયાત્રા’
• ‘શુભયાત્રા’ ગુજરાતી ઈન્ડસ્ટ્રીમાં ઊજળી તકો સર્જશે
•  શુભયાત્રા દર્શકોને થિયેટર્સ સુધી ખેંચવામાં સફળ થતી દેખાઈ રહી છે

“લોકો ડોલર કમાવવા વિદેશ જાય છે, કારણ કે તેની કિંમત વધારે હોય છે. તે શા માટે ખ્યાલ છે? કારણ કે તેની માટે ઘર, પરિવાર અને વતન ઘણું છોડવું પડે છે.” શુભયાત્રાનો આ એક ડાયલોગ આખી ફિલ્મની વાર્તા અને સમાજની વાસ્તવિકતા બંને સમજાવી જાય છે. 

ડિંગુચાનો પટેલ પરિવાર હોય કે કલોલનો યુવક - આવા તાજેતરમાં જ બનેલા ગુજરાતના કિસ્સા છે જે અમેરિકાના મોહમાં મોતના રસ્તે પહોંચ્યા હતા. લોકો ગેરકાયદે આવા રસ્તા ન પકડે તેવો હળવા અંદાજમાં સંદેશો આપતી ફિલ્મ શુભયાત્રા દર્શકોને થિયેટર્સ સુધી ખેંચવામાં સફળ થતી દેખાઈ રહી છે.

નેશનલ એવોર્ડ વિજેતા અને આ ફિલ્મના ડિરેક્ટર મનીષ સૈનીનું કહેવું છે કે “ફિલ્મનું કન્ટેન્ટ સારું હોય તો દર્શક ફિલ્મ ગુજરાતી હોય કે હિન્દી તે ચોક્કસ પસંદ કરે છે. મલ્હાર ઠાકર સાથે આ ગંભીર વિષયને હળવા અંદાજમાં રજૂ કરવું તે મારી માટે પણ ચેલેન્જિંગ કામ હતું. પરંતુ સ્ક્રીન પર બદલાતા સીનની જોડે-જોડે દર્શકોના હાવ-ભાવ બદલાતા જોઈને આનંદ થાય છે કે અમે તેમાં સફળ રહ્યાં.”

 

 

 

 

View this post on Instagram

 

 

 

 

 

 

 

 

 

 

 

A post shared by Amdavad Films (@amdavadfilms)

મહત્વનું છે કે બોલીવુડ અને હોલીવુડની દમદાર ફિલ્મો વચ્ચે પણ શુભયાત્રા ત્રીજા વીકેન્ડમાં પ્રવેશ કરી ચૂકી છે, રસપ્રદ રીતે શુભયાત્રાનું બોક્સ ઓફિસ કલેક્શન તેના પ્રથમ સપ્તાહ કરતા વધારે બીજા સપ્તાહમાં વધારે થયું હતું તેવું ફિલ્મ ઈન્ડસ્ટ્રીના સૂત્રોથી જાણવા મળ્યું હતું.

ફિલ્મ ઈન્ડસ્ટ્રીના જાણીતા ક્રિટીક અને ટ્રેડ એનાલિસ્ટ કોમલ નાહટાએ પણ ફિલ્મ વિશે ટ્વિટર પર પોતાની પ્રતિક્રિયા આપતા લખ્યું હતું કે “લાગણીશીલ દ્રશ્યો અને સુંદર સંદેશો આપતી મનોરંજક ફિલ્મ.”

Just saw Manish Saini’s Gujarati film, ‘Shubh Yatra’. What an entertaining film, that too, with such a beautiful message! And such heartwarming emotions. Subtle writing, subtle performances! Malhar Thakar is fabulous. Monal Gajjar (heroine), Hemin Trivedi (Hardik), theatre actor… pic.twitter.com/n62uo01tss

— Komal Nahta (@KomalNahta) May 2, 2023

બીજી બાજુ ગુજરાતના જાણીતા ફિલ્મ ડિસ્ટ્રીબ્યુટર અને રૂપમ એન્ટરટેઈનમેન્ટના MD વંદન શાહે જણાવ્યું કે “આ ફિલ્મ બોક્સ ઓફિસ પર સારું પ્રદર્શન કરી રહી છે. ગુજરાતી ફિલ્મો માટે પણ ઓડિયન્સ તો છે, પરંતુ સારા ફિલ્મમેકર્સની અહીં ખોટ વર્તાય છે. આવામાં શુભયાત્રા ફિલ્મથી આ ખોટ પૂરી થવાની દિશામાં શરૂઆત થઈ છે તેવી આશા છે. ગુજરાતી ફિલ્મો થિયેટર્સમાં ત્રણ-ચાર સપ્તાહના અંતરે રિલીઝ થાય તેવી પ્રોડ્યુસર્સે સ્ટ્રેટેજી રાખવી જોઈએ, જેથી દરેક ફિલ્મોને ઓડિયન્સ અને પ્રોત્સાહન મળી રહે. આગામી સમયમાં આવી નવા કોન્સેપ્ટ અને સારી સ્ટોરીટેલિંગ સાથેની ફિલ્મો વધુ આવે તે ગુજરાતી ફિલ્મ ઈન્ડસ્ટ્રીના ભવિષ્ય માટે સારું છે.”

કોરોનાકાળ અને OTTના વ્યાપ બાદ ગુજરાતી ફિલ્મોનું ભવિષ્ય ઝાંખુ દેખાતું હતું. આવામાં સારા કન્ટેન્ટ સાથે આવેલી ‘શુભયાત્રા’ ગુજરાતી ઈન્ડસ્ટ્રીમાં ઊજળી તકો સર્જશે તેવું લાગી રહ્યું છે.

ફિલ્મનું ટ્રેલર