મહામારી / 5 વર્ષના બાળકોને માસ્ક પહેરાવવું જોઈએ કે નહીં ? એક્સપર્ટનો જવાબ તમારે જાણી લેવો જોઈએ

• કોરોનાગ્રસ્ત બાળકો માટે સરકારની નવી ગાઈડલાઈન
• 5 વર્ષના બાળકોને માસ્ક પહેરાવી રાખવાની જરુર નથી.
• કોરોનાગ્રસ્ત બાળકોને રેમડેસિવિર ઈન્જેક્શન ન આપો

18 વર્ષથી ઓછી વયના બાળકો નવી ગાઈડલાઈન
કેન્દ્રીય સ્વાસ્થ્ય મંત્રાલય દ્વારા જારી નવી ગાઈડલાઈનમાં કહેવાયું કે 5 વર્ષ અથવા તેનાથી ઓછી વયના બાળકો માટે માસ્કની જરુર નથી. કેન્દ્રીય સ્વાસ્થ્ય મંત્રાલયે કોરોના સંક્રમિત બાળકોની સારવાર માટે નવી ગાઈડલાઈન જારી કરી છે તેમાં કોરોનાગ્રસ્ત બાળકોને રેમડેસિવિર ઈન્જેક્શન ન આપવાની તાકીદ કરાઈ છે.

આ ગાઈડલાઈન 18 વર્ષથી ઓછી વયના બાળકો માટે જારી કરાઈ છે. સોશિયલ મીડિયા પર ઘણા લોકો સવાલ પૂછી રહ્યાં છે કે આખરે શા માટે 5 વર્ષથી ઓછી વયના બાળકોએ માસ્ક પહેરવાની જરુર નથી. 

સમજી વિચારીને સિટી સ્કેનનો ઉપયોગ

આ ઉપરાંત સિટી સ્કેનનો ઉપયોગ પણ યોગ્ય સમયે કરવાની સલાહ આપવામાં આવી છે. ગાઈડલાઈનમાં કહેવામાં આવ્યુ છે કે ડોક્ટરો બાળકોના સિટી સ્કેન કરતા સમયે બહું જ સંવેદનશીલતા વર્તવી જોઈએ. ત્યારે રેમડેસિવિર ઈન્જેક્શનને લઈને કહેવામાં આવ્યું છે કે એફિકેસી ડેટાની અછતના કારણે બાળકોમાં આનો ઉપયોગ નહીં કરવો જોઈએ.

 
ત્રીજી લહેર બાળકો માટે જીવલેણ સાબિત થઈ શકે

ઉલ્લેખનીય છે કે વિશેષજ્ઞોએ આશંકા વ્યક્ત કરી છે કે કોરોનાની ત્રીજી લહેર બાળકો માટે ઘાતક સાબિત થઈ શકે છે. વિશેષજ્ઞોના જણાવ્યાનુંસાર દેશમાં કોરોનાની પહેલી લહેર વૃદ્ધો માટે ખતરનાક સાબિત થઈ હતી. જ્યારે બીજી લહેર યુવા વસ્તી માટે ખતરનાક સાબિત થઈ હતી.  વિશેષજ્ઞોનું માનીએ તો કોરોનાની ત્રીજી લહેર બાળકો માટે જીવલેણ સાબિત થઈ શકે છે.