- ડાયાબિટીસનો ખતરો માત્ર ખાંડ ખાવાથી જ ન થતી હોવાનો ખુલાસો
- શુગર જ નહીં મીઠું ખાવાથી પણ વધી શકે છે ખતરો
- એક રિપોર્ટમાં ખુલાસો થયો
આજના યુવાનોની લાઈફસ્ટાઈલ અને ખાવા-પીવાની આદતો સતત બદલાઈ રહી છે. જેની અસર સ્વાસ્થય પર પડી રહી છે. અત્યારે મોટાભાગના ઘરોમાં ડાયાબિટીસ, બ્લડપ્રેશર અને થાયરોડ જેવી બિમારીઓ જોવા મળી રહી છે. ત્યારે ડાયાબિટીશને લઈને એક ચોંકાવનારો ખુલાસો થયો છે..કહેવાય છે કે ડાયાબિટીસનો ખતરો માત્ર ખાંડ ખાવાથી જ નહીં પણ મીઠું ખાવાથી પણ ડાયાબિટીસનો ખતરો વધી શકે એક રિપોર્ટમાં આ ખુલાસો થયો છે.. ભોજનને સ્વાદિષ્ટ બનાવવા માટે આપણે જે મીઠાનો ઉપયોગ કરી રહ્યાં છીએ તે સ્વાદ તો વધારે જ છે પણ તે આપણા સ્વાસ્થયને ખુબ જ નુકસાન કરે છે. જેથી વધારે પડતું મીઠુ ખાવાથી પણ તમને ડાયાબિટીસ થઈ શકે છે.
સ્ટડીમાં શું સામે આવ્યું?
ટ્યુલેન યુનિવર્સિટી દ્વારા કરવામાં આવેલા સર્વેમાં જાણવા મળ્યું છે કે ખોરાકમાં વધારે પડતા મીઠાનો વારંવાર ઉપયોગ કરવાથી ટાઈપ 2 ડાયાબિટીસનું જોખમ રહે છે. અભ્યાસમાં બ્રિટનમાં 4,00,000થી વધુ પુખ્ત વયના લોકો પર તેમની મીઠાની આદતો પર સર્વે કરવામાં આવ્યો હતો. આ સર્વને પાંચ અલગ અલગ કેટેગરીમાં ડિવાઈડ કરવામાં આવી હતી.. આ અભ્યાસ મેયો ક્લિનિક પ્રોસિડિંગ્સ જર્નલમાં પ્રકાશિત થયો છે.
મીઠું કેવી રીતે ડાયાબિટીસનું કારણ બની શકે?
જો કે અભ્યાસમાં એ સામે આવ્યું નથી કે કેવી રીતે મીઠુ ઉમેરવાથી આપણે ટાઈપ-2 ડાયાબિટીસનો ખતરો રહે છે.. સંશોધકોના મત અનુસાર મીઠું ઉમેરવાથી લોકો વધુ ખોરાક ખાવા માટે આકર્ષાઈ છે.. જેથી સ્થુળતા અને સોજા વધી શકે છે.. જે ડાયાબિટીસનું જોખમ વધારી શકે છે.
નમકનું સેવન ઓછુ કરો
નમકથી થતા ગંભીર નુકસાન અંગે જાણ્યા પછી હવે જો તમે તમારા આહારમાં નમકનું પ્રમાણ ઓછું કરવા માંગો હોવ તો તમે કેટલીક પદ્ધતિઓ અપનાવીને નમકનું પ્રમાણ ઓછુ કરી શકો છો.. જેમ કે તમે નમક કે સોયા સોસ જેવા સોડિયમ-પેક્ડ સીઝનીંગના બદલે તમે હર્બ્સ અથવા લીંબુનો વિકલ્પ પસંદ કરી શકો છો.. આ નાનકડો ફેરફાર જેમ કે મીઠું અથવા સોયા સોસને બદલે જડીબુટ્ટીઓ અને લીંબુનો રસ જેવા વિકલ્પોનો ઉપયોગ કરી શકો છો. આ નાનકડો એવો ફેરફાર કરવાથી સ્વાસ્થને ઘણા ફાયદા થઈ શકે છે..
નમક ખાવાથી નુકસાન શું થાય છે
- - વધુ પડતા મીઠાનું સેવન કરવાથી વોટર રિટેંશન અને પેટના ફુલાવા જેવી સમસ્યા થઈ શકે છે..
- - જો તમે વધુ પડતું નમક ખાવ છો તો કિડનીને નુકસાન થઈ શકે છે..
- - લાંબા સમય સુધી વધુ મીઠુ ખાવામાં આવે તો શરીરમાં ટિશૂઝ અને સેલ્સમાં પ્રવાહી જમા થઈ શકે છે. જેનાથી હાડકાને નુકસાન પહોંચે છે.. આ સાથે જ ઑસ્ટિયોપોરોસિસનું કારણ બની શકે છે.
- - વધુ પડતા મીઠાના કારણે જ્યારે અમુક લિકવીડ શરીરની બહાર નથી કાઢી શકતી ત્યારે કિડની ખરાબ થઈ શકે છે. જેના કારણે બ્લડપ્રેશર વધી શકે છે
- - નમકનું વધુ પડતા સેવનથી માથાનો દુખાવો પણ થઈ શકે છે જે માઈગ્રેન બની શકે છે.
