ધર્મ / આજે શરદ પૂનમ અને ચંદ્ર પર લાગશે ગ્રહણ: દૂધ-પૌંઆ કે ખીર બનાવતા પહેલા ખાસ જાણી લેજો આ નિયમ

• આ વખતે શરદ પૂનમ અને ચંદ્રગ્રહણ એકસાથે
• આજે મધ્યરાત્રીએ શરૂ થશે ચંદ્રગ્રહણ
• સૂતક સમયમાં ખીર બનાવવું વર્જિત હોય છે

આ વર્ષે શરદ પૂર્ણિમાનો તહેવાર ચંદ્ર ગ્રહણનાં દિવસે મનાવવામાં આવશે. આ વખતે ચંદ્ર ગ્રહણ ભારત સહિત 20થી વધારે દેશોમાં દેખાવાનો છે. ગ્રહણ ભારતમાં આજે મધ્યરાત્રી 1 વાગ્યે દેખાશે અને સૂતક બપોરે 4 વાગ્યાથી શરૂ થશે. તેવામાં આજનાં દિવસે જ શરદ પૂર્ણિમાનાં પૂજા-અર્ચન સહિત અન્ય કાર્યક્રમો આયોજિત કરવામાં આવ્યાં છે. પરંતુ ચંદ્રમાની શીતળ રોશનીમાં બનાવવામાં આવતી ખીર ગ્રહણને કારણે અડધી રાત્રે બનાવવામાં આવશે નહીં. તેવામાં ગ્રહણ સમાપ્ત થયા બાદ ખીર બનાવી શકાશે. 

ખીર બનાવવાનાં નિયમો
આજનો આ યોગ આશરે 9 વર્ષ બાદ બની રહ્યો છે. જ્યોતિષ શાસ્ત્ર અનુસાર આ ગ્રહણ અશ્વિની નક્ષત્ર અને મેષ રાશિ પર લાગશે. તેવામાં આ વખતે શરદ પૂનમનાં તમારે સાવધાની રાખવી પડશે કારણકે સૂતક કાળમાં તમે ખીર બનાવી શકશો નહીં. ખીર બનાવવાથી પહેલા તેની સાથે સંકળાયેલા નિયમો વિશે જાણવું અત્યંત જરૂરી છે.

સૂતકકાળ પહેલાં ગાયનાં દૂધમાં ધ્રબ નાખી દેવું.

• સૂતકકાળ સમાપ્ત થાય ત્યારે આ દૂધની મદદથી ખીર બનાવી શકાશે.
• ગ્રહણ સમાપ્ત થાય ત્યારે સ્નાન કરીને ખીર બનાવવી.
• ખીર બનાવ્યાં બાદ ભગવાનને ભોગ ધરાવી શકાય છે.
• વહેલી સવારે અમૃતવર્ષા માટે તમે આ ખીર આકાશની નીચે રાખી શકો છો.

શરદ પૂનમનો શુભ મુહૂર્ત
આશ્વિન માસનાં શુક્લ પક્ષની પૂનમની તિથિનો આરંભ 28 ઑક્ટોબર સવારે 4 વાગીને 17 મિનીટ પર થશે. આ બાદ 29 ઑક્ટોબર રાત્રે 1.53 મિનીટ પર સમાપ્ત થશે.

ચંદ્રગ્રહણનો સમય

• 28 ઑક્ટોબર રાત્રે 1.05એ શરૂ થશે
• ગ્રહણ સમાપ્તિ- રાત્રે 2.24 મિનીટે
• સૂતકનો સમય- બપોરે 4.05 વાગ્યે