BIG BREAKING / 'નામ ન લેવા યુવરાજસિંહે કરોડો રૂપિયા લીધા', ડમીકાંડમાં સૌથી મોટો ધડાકો, નજીકના વ્યક્તિનો જ VIDEO વાયરલ

 

• ડમીકાંડ મામલે યુવરાજસિંહ પર આરોપ
• નજીકના વ્યક્તિએ લગાવ્યા આરોપ
• યુવરાજસિંહે કરોડો લીધા હોવાનો આરોપ

રાજ્યવ્યાપી ડમી કૌભાંડ અંગે અત્યાર સુધીનો સૌથી મોટો ખુલાસો થયો છે. ડમી કૌભાંડમાં 36 આરોપી સામે ફરિયાદથી ખળભળાટ મચી ગયો છે. ડમીકાંડ મામલે વિદ્યાર્થી નેતા યુવરાજસિંહ પર લાગ્યા ગંભીર આરોપો લાગ્યા છે. તો ડમી કાંડમાં AAPના કાર્યકર રમણીક જાનીની સંડોવણી સામે આવી છે. 

55 લાખમાં થઈ હતી ડીલઃ બિપિન ત્રિવેદી
યુવરાજસિંહના નજીકના વ્યક્તિ બિપિન ત્રિવેદીએ ગંભીર ઓરોપો લગાવ્યા છે. બિપિન ત્રિવેદીએ જણાવ્યું કે, નામ ન લેવા માટે યુવરાજસિંહે કરોડો રૂપિયા લીધા છે. એક ડીલ અંગે બિપિન ત્રિવેદીએ જણાવ્યું કે, 'પ્રદીપ નામના વ્યક્તિએ મને જણાવ્યું હતું કે યુવરાજસિંહ વારંવાર મારું નામ લે છે, જેના કારણે પોલીસ મારા ઘરે આવે છે. જેથી તમે વાત કરો. આ અંગે મેં યુવરાજસિંહને વાત કરી હતી. જે બાદ મેં પ્રદીપ અને ઘનશ્યામ ભાઈ, શિવુભા અને યુવરાજ સિંહે એક મીટિગ કરી હતી. જે બાદ મારે 2 વાગ્યે લેક્ચર હોવાથી હું ત્યાંથી નીકળી ગયો હતો. લેક્ચર પૂરો થયા પછી મને જાણવા મળ્યું કે આ ડીલ 55 લાખમાં થઈ હતી. આ પેમેન્ટ આપવા માટે ઘનશ્યામભાઈ જુદા-જુદા ત્રણ તબક્કામાં ગયા. આ વખતે હું સાથે નહોતો. આમાં હું ક્યાંય સામેલ નહોતો. મેં ઘનશ્યામ ભાઈને કીધું કે આમાં મને ક્યાંય સામેલ કરતા નહીં, આ બધું લાંબુ ચાલે. યુવરાજસિંહના બે સાળા પણ આ ડીલમાં સામેલ હતા. શિવુભા, કાનભા નામના યુવરાજસિંહના 2 સાળા આ ડીલમાં સામેલ હતા.'

ત્રણ હપ્તામાં આપવામાં આવ્યા હતા પૈસાઃ સૂત્રો
સૂત્રોના જણાવ્યા અનુસાર, પ્રદીપ બારૈયા નામના આરોપીનું નામ સામે આવવાનું હતું. પરંતુ ઘનશ્યામ, બિપિન, પ્રદીપ, શિવુભા, કાનભા અને યુવરાજસિંહની બેઠક થઈ હતી છે અને ડીલ 55 લાખમાં થઈ હતી. આ 55 લાખ રૂપિયાની ડીલમાં 30 લાખ, 20 લાખ અને 5 લાખ રૂપિયા ત્રણ હપ્તામાં આપવામાં આવ્યા હતા. 

રાજકીય જગતમાં ખળભળાટ મચી ગયો 
યુવરાજસિંહ પર તેમના નજીકના વ્યક્તિએ આરોપ લગાવતા રાજકીય જગતમાં ખળભળાટ મચી ગયો છે. તો ભાવનગરમાં ડમી ઉમેદવારોમાં આમ આદમી પાર્ટીના આગેવાનની પણ સંડોવણી ખૂલી છે. આમ આદમી પાર્ટી ના આગેવાન રમણિક જાની નામના શખ્સ વિરુદ્ધ પણ પોલીસ ફરિયાદ નોંધવામાં આવી છે. હાલ તો રમણીક જાની ભૂગર્ભમાં ઉતરી ગયો છે. જોકે, યુવરાજસિંહે તમામ આરોપોને પાયાવિહોણા ગણાવ્યા છે.

યુવરાજસિંહ પર આરોપ લગાવનારા બિપિન ત્રિવેદી કોણ છે?
- બિપિન ત્રિવેદી અગાઉ ખાનગી શાળા સાથે સંકળાયેલા હતા
- ખાનગી ક્લાસિસમાં પણ બિપિન ત્રિવેદી કરતા હતા નોકરી 
- પંકજ જોશી કેરિયર ઈન્સ્ટિટ્યુટમાં ભણાવતા હતા
- ભાવનગરના ટોપ થ્રિ સર્કલ નજીક ઇન્સ્ટિટયૂટમાં હતા લેક્ચરર
- 8 દિવસ અગાઉ કરવામાં આવ્યા હતા છૂટા