કાર્યવાહી / ભાવનગરમાં 9 પેઢીઓમાં GST દ્વારા સર્ચ, તપાસ દરમ્યાન કરોડોના ગોટાળા બહાર આવે તેવી શક્યતા

• ભાવનગરમાં GST વિભાગ ફરી સક્રિય
• શહેરની 9 પેઢીઓમાં GST દ્વારા સર્ચ 
• બોગસ બિલિંગના હબ ગણાતા ભાવનગરમાં ચેકીંગ 

ભાવનગરમાં  GST વિભાગ ફરી સક્રિય થતાં તપાસ દરમ્યાન કરોડોના આંકડા બહાર આવે તેવી શક્યતા સેવાઇ રહી છે. વિગતો મુજબ ભાવનગર સહિત સમગ્ર રાજ્યમાં સ્ટેટ જીએસટી વિભાગ દ્વારા 41 વેપારીઓના 56 સ્થળોએ દરોડાની કાર્યવાહી હાથ ધરવામાં આવી રહી છે. જેમાં ભાવનગરશહેરની 9 પેઢીઓમાં GST દ્વારા સર્ચ ઓપરેશન હાથ ધરવામાં આવ્યું છે. આ તરફ હવે કરોડો રૂપિયાની કરચોરી સામે આવે તેવી શક્યતાઓ તંત્ર દ્વારા વ્યક્ત કરવામાં આવી રહી છે. 

અલગ-અલગ પેઢીઓમાં  GST દ્વારા સર્ચ 

ભાવનગર શહેરમાં તાજેતરમાં એકોસ્ટ ઇમ્પેક્સ પ્રાયવેટ લિમિટેડ, સિધ્ધાર્થ બ્રોન્ઝ પ્રોડક્ટસ પ્રાયવેટ લિમિટેડ, સાનિયા ટ્રેડર્સ, રૂષિય ગ્લોબલ ટ્રેડ, જે.આર.ઇસ્પાત પ્રાયવેટ લિમિટેડ, ગુજરાત ઓઇલ એન્ડ કેમિકલ, એ.એમ.ઇસ્પાત લિમિટેડ, યસરા ઇમ્પેક્સ, હેમા ટ્રેડર્સ દ્વારા બોગસ બિલિંગ થકી મોટી રકમની વેરાશાખા ભોગવવામાં આવી છે. આ તમામ કેસમાં ઘનિષ્ઠ તપાસ ચાલી રહી છે.

ભાવનગર સહિત રાજ્યભરમાં દરોડા 

ભાવનગર ઉપરાંત ગાંધીધામ, જુનાગઢ, જામનગર, દ્વારકા, રાજકોટ, અમદાવાદ, મહેસાણા, બનાસકાંઠા, પાટણ, સુરત, વડોદરા, વાપીમાં પણ દરોડા ચાલી રહ્યા છે. આ તમામ શહેરોની પેઢીઓને ભાવનગર સાથે જોડી તેની ચોકસાઇપૂર્વક ચકાસણી કરવામાં આવી રહી છે.