વાહ ભાઈ વાહ / વૈજ્ઞાનિકોની ખરી કમાલ તો આ કહેવાય, કરચલાં અને માછલીમાંથી બનાવી ઈકો ફ્રેન્ડલી વાહનોની બેટરી

• અમેરિકાની મેરિલેન્ડ યુનિવર્સિટીના વૈજ્ઞાનિકોની નવી શોધ 
• કરચલાં અને માછલીઓના કોચલામાંથી બનાવી ટકાઉ બેટરી
• વૈજ્ઞાનિકોએ કરચલાં અને માછલીમાંથી મળતા કેમિકલનો ઉપયોગ કર્યો 

હવે પછીના સમયમાં દરિયાઈ જીવોના કોષોમાંથી બનેલી બેટરીમાંથી વાહનો ચાલે તો નવાઈ નહીં. કારણ કે વૈજ્ઞાનિકોએ માછલી અને કરચલાંના કોષોમાંથી એક ટકાઉ બેટરી બનાવી લીધી છે. વૈજ્ઞાનિકોની આ શોધ આગામી સમયમાં બેટરી ક્ષેત્રે નવી ક્રાંતિ લાવી દેશે. 

અમેરિકાના વૈજ્ઞાનિકોએ દરિયાઈ જીવોમાંથી મળતા કેમિકલમાંથી બનાવી બેટરી 

અમેરિકાની યુનિવર્સિટી ઓફ મેરીલેન્ડના વૈજ્ઞાનિકોએ કરચલા અને માછલી જેવા દરિયાઈ જીવમાં એક અનોખું રસાયણ શોધી કાઢ્યું છે, જેનો ઉપયોગ ઊર્જાનો સંગ્રહ કરવા માટે ટકાઉ બેટરી બનાવવા માટે થઈ શકે છે. તેઓએ આ રસાયણનો ઉપયોગ ચિટિન તરીકે ઓળખાતી બેટરીઓ બનાવવા માટે કર્યો છે. 

કેવી રીતે બેટરી બનાવી વૈજ્ઞાનિકોએ 
વૈજ્ઞાનિકોએ પ્રયોગશાળામાં સૌથી પહેલા કરચલા અને માછલી તથા બીજા દરિયાઈ જીવોના શરીરનો અભ્યાસ કર્યો હતો. અભ્યાસમાં દરિયાઈ જીવોના શરીરમાંથી વૈજ્ઞાનિકોએ એક સખત કેમિકલ મળી આવ્યું હતું. આ કેમિકલને બહાર કાઢી લઈને તેની ચકાસણી કરવામાં આવી હતી અને તેમાંથી એક બેટરી બનાવાઈ હતી. આગામી સમયમાં આવી બેટરીઓ બજારમાં આવે તો નવાઈ નહીં. 

દરિયાઈ જીવોમાંથી મળ્યું બેટરી કારક કેમિકલ 
યુનિવર્સિટી ઓફ મેરીલેન્ડના પ્રોફેસર લિયાંગબિંગ હુએની આગેવાનીમાં વૈજ્ઞાનિકોનું એક જૂથ ઘણા લાંબા સમયથી આ દિશામાં કામ કરતું હતું. શોધમાં વૈજ્ઞાનિકોને દરિયાઈ જીવના શરીરમાંથી ટકાઉ બેટરી બની શકે તેવું એક કેમિકલ મળી આવી આવ્યું હતું અને વૈજ્ઞાનિકોએ આ કેમિકલનો ઉપયોગ કરીને બેટરી પણ બનાવી પણ લીધી હતી. 

દરિયાઈ જીવોમાંથી બનતી બેટરી ઈકો ફ્રેન્ડલી 
વૈજ્ઞાનિકોએ જણઆવ્યુ કે આ પ્રકારની ટેકનોલોજી માટે ઉપયોગમાં લેવાતી બેટરીઓ પણ પર્યાવરણને અનુકૂળ હોવી જોઈએ કારણ કે વિશ્વ ગ્રીન એનર્જી સોલ્યુશન્સ અને ઇલેક્ટ્રિક ઓટોમોબાઇલ્સના ઉપયોગ તરફ આગળ વધી રહ્યું છે. જો કે, લિથિયમ-આયન અને અન્ય સંયોજનોથી બનેલી પરંપરાગત બેટરીઓ નું અધઃપતન થવા માટે સેંકડો કે હજારો વર્ષો નો સમય લાગી શકે છે. આ પદાર્થો વારંવાર ક્ષયકારી અને દહનશીલ પણ હોય છે. કન્ઝ્યુમર ઇલેક્ટ્રોનિક્સ બેટરીને કારણે કેટલીક વખત લેન્ડફીલ સાઈટ અને રિસાયક્લિંગની સુવિધા તેમજ એરક્રાફ્ટમાં આગ લાગી જાય છે.

કરચલા, ઝીંગા અને લોબસ્ટર્સમાં હોય છે બેટરી બનાવી શકે તેવું ચિટિન 
કરચલા, ઝીંગા અને લોબસ્ટર્સ જેવા દરિયાઈ જીવોના કોષોમાં ચિટિન હોય છે જે એક પ્રકારનું કાર્બોહાઈડ્રેટ છે જે તેમના શેલને સખત, સ્થિતિસ્થાપક સપાટી આપે છે. ખોરાકના વ્યવસાયની રેસ્ટોરાં અને અન્ય આડપેદાશોમાંથી થતા ખોરાકના કચરામાં ઘણીવાર આ ઉપયોગી પદાર્થ હોય છે, જે ફૂગ અને જંતુઓમાં પણ હાજર હોય છે અને પ્રકૃતિમાં વ્યાપકપણે વિતરિત થાય છે.