માફિયાની કોર્ટમાં હત્યા / ગેંગસ્ટર જીવા હતો ભાજપના કદ્દાવર નેતા બ્રહ્મદત્ત દ્વિવેદીની હત્યાનો આરોપી, બ્રહ્મદત્તે માયાવતીને બચાવ્યાં હતા

• સંજીવ જીવા પર BJPનાં બ્રહ્મદત્ત દ્વિવેદીની હત્યાનો આરોપ હતો
• દ્વિવેદીએ માયાવતી સાથે ગઠબંધન કરવાનાં કર્યાં હતાં પ્રયત્નો
• 1997માં બ્રહ્મદત્ત દ્વિવેદીનું કરવામાં આવ્યું મર્ડર

લખનઉ કોર્ટમાં સંજીવ જીમાની ગોળી મારીને હત્યા કરી દેવામાં આવી. સંજીવ જીવા માફિયા મુખ્તાર અંસારીનો નજીકી માનવામાં આવતો હતો અને જીવા UPનાં પૂર્વ ઊર્જા મંત્રી અને BJPનાં નેતા બ્રહ્મદત્ત દ્વિવેદીની હત્યાનો આરોપી પણ હતો. સૂત્રો અનુસાર હુમલાખોર વકીલનાં કપડાંમાં આવ્યો હતો અને કોર્ટની અંદર જ શૂટઆઉટ કર્યું. તો આવો જાણીએ કે કોણ હતાં બ્રહ્મદત્ત દ્વિવેદી કે જેમની હત્યાનો આરોપ સંજીવ જીવાનાં માથે હતો?  

બ્રહ્મદત્ત દ્વિવેદીની હત્યા
1997માં જ્યારે ઉત્તરપ્રદેશમાં રાષ્ટ્રપતિ શાસન હતું.એ સમયે રાજ્યમાં કોઈપણ રાજનૈતિક દળ પાવરમાં નહોતું. ત્યારે એક ભાજપ નેતા બ્રહ્મદત્ત જે બસપાની માયાવતીની સાથે સમીકરણો સુધારીને ગઠબંધન સરકાર બનાવવાનાં પ્રયત્નો કરી રહ્યાં હતાં. પરંતુ 10 ફેબ્રુઆરી 1997નાં આ નેતાનું મર્ડર કરી દેવામાં આવ્યું. વર્ષ 1997ની 10 ફેબ્રુઆરીનાં રોજ એક કાર્યક્રમમાં શામેલ થવા માટે દ્વિવેદી કારમાં જઈ રહ્યાં હતાં. તે સમયે બાઈકમાં સવાર વ્યક્તિઓએ ગાડી પર ફાયરિંગ શરૂ કરી દીધી અને બ્રહ્મદત્ત દ્વિવેદીની હત્યા કરી દેવામાં આવી. દ્વિવેદી મર્ડરનાં કેસમાં પરિવારે 4 લોકોની સામે ફરિયાદ નોંધાવી હતી. સંજીવ જીવા બ્રહ્મદત્ત દ્વિવેદીની હત્યાનો એક આરોપી હતો.

દ્વિવેદીએ માયાવતીનો કર્યો હતો બચાવ
જૂન 1995માં બસપાની માયાવતી એક દુર્ઘટનાનો શિકાર બનવાની હતી. તે સમયે ભાજપ વિધાયક-પૂર્વ મંત્રી બ્રહ્મદત્ત દ્વિવેદીએ તેમને બચાવ્યાં હતાં. તે સમયે માયાવતી લખનઉમાં મીરાબાઈ સ્ટેટ ગેસ્ટ હાઉસમાં હતી. લોકોની ભીડે ગેસ્ટ હાઉસને ચારેયબાજુથી ઘેરી લીધું હતું. આ ભીડમાં સપાનાં અનેક લોકો જોડાયા હતાં. બસપાની માયાવતીએ પોતાની સુરક્ષા માટે પોતાને એક રૂમમાં લોક કરી દીધું હતું. કેટલાય લોકો દરવાજો તોડવાનાં પ્રયાસો કરી રહ્યાં હતાં. અને તે જ સમયે ભાજપ નેતા બ્રહ્મદત્ત દ્વિવેદીએ પોતે રિસ્ક લઈને એકલા ભીડમાં ગયાં અને બસપાની સુપ્રીમો માયાવતીનો બચાવ કર્યો.

કોણ હતાં બ્રહ્મદત્ત ?
બ્રહ્મદત્ત દ્વિવેદી ઉત્તરપ્રદેશનાં એવા નેતા હતાં જેમને મુખ્યમંત્રી પદનાં દાવેદાર માનવામાં આવતાં હતાં. પરંતુ તે આ પદ મેળવી શકે તે પહેલાં જ તેમનું મૃત્યુ થયું. દ્વિવેદી પોતાનાં વ્યક્તિત્વને કારણે જનતામાં પ્રિય મનાતા નેતાઓમાંના એક હતાં. અટલ બિહારી વાજપેયી-અડવાણીથી લઈને દરેક નાનામાં નાનો કાર્યકર્તા દ્વિવેદીને ઓળખતો હતો. રામમંદિર આંદોલનથી લઈને ગેસ્ટ હાઉસ કાંડ બાદથી તેઓ પૂર્વ PM વાજપેયીની નજરમાં આવી ગયાં હતાં.