શાંતિનું પહેલું પગલું / ધર્મગુરુનું સાંભળ્યું રશિયન પ્રેસિડન્ટ પુતિને, યુક્રેનમાં યુદ્ધવિરામનું કર્યું એલાન, કાયમી કે કામચલાઉ?

Hiralal

Last Updated: 09:34 PM, 5 January 2023

FOLLOW ON

શેર કરો

રશિયન પ્રેસિડન્ટ પુતિને યુક્રેનમાં 36 કલાકના યુદ્ધવિરામનું એલાન કરી દીધું છે.

યુક્રેનમાં 36 કલાક સુધી રશિયા નહીં લડે યુદ્ધ
પ્રેસિડન્ટ પુતિને કર્યું યુદ્ધવિરામનું એલાન
ધાર્મિક ગુરુની અપીલને માન આપીને પુતિને કર્યો નિર્ણય

યુક્રેનમાં 36 કલાક સુધી પૂરી શાંતિ રહેશે. રશિયાના રાષ્ટ્રપતિ વ્લાદિમીર પુતિને રશિયા અને યુક્રેન વચ્ચે ચાલી રહેલા યુદ્ધને લઈને બે દિવસના યુદ્ધવિરામનો આદેશ આપ્યો છે. એટલે કે 6 જાન્યુઆરી અને 7 જાન્યુઆરીના રોજ યુદ્ધવિરામ થશે અને 36 કલાક સુધી રશિયા શસ્ત્રોને સંપૂર્ણ વિરામ આપશે. ઓર્થોડોક્સ ધર્મગુરુની પેટ્રિયાર્ક કિરીલની વિનંતીને માન આપીને પુતિને 36 કલાકના યુદ્ધવિરામનો નિર્ણય લીધો છે.

1 વર્ષથી વધુ સમયથી રશિયા અને યુક્રેન રણે ચડ્યાં છે
રશિયા અને યુક્રેન વચ્ચે લગભગ એક વર્ષથી યુદ્ધ ચાલી રહ્યું છે. આ લડાઈમાં અમેરિકા, બ્રિટન, ફ્રાન્સ સહિત અનેક દેશોએ યુક્રેનને ખુલ્લેઆમ સમર્થન આપ્યું છે.

Russian President Vladimir Putin orders ceasefire in Ukraine over Orthodox Christmas (January 6-7), following request from Russia's spiritual leader Patriarch Kirill- Kremlin, reports AFP.
— ANI (@ANI) January 5, 2023

રશિયાએ યુક્રેનમાં કરી મોટાપાયે ખુવારી
જ્યારથી યુદ્ધ શરુ થયું છે ત્યારથી રશિયા યુક્રેનમાં મોટાપાયે ખુવારી સર્જી રહ્યું છે. રશિયા યુક્રેનના અનેક શહેરોને તબાહ કરી ચૂક્યુ છે તો સામે પક્ષે યુક્રેન પણ અણનમ રહીને રશિયાને જડબાતોડ જવાબ આપી રહ્યું છે.

36 કલાકનો યુદ્ધવિરામ યુદ્ધ સમાપ્તિની દિશાનું પહેલું પગલું
1 વર્ષથી વધારે સમયના યુદ્ધ બાદ પહેલી વાર રશિયાએ 36 કલાકનો યુદ્ધવિરામ કર્યો છે જે આગામી સમયમાં યુદ્ધ સમાપ્તિની દિશાનું પહેલું મોટું પગલું ગણી શકાય.

સંકળાયેલા મુદ્દાઓ

Russia ukraine crisis russian president vladimir putin રશિયા યુક્રેન વોર Russia ukraine crisis