ક્રિકેટ / વર્લ્ડ 2023 પછી સંન્યાસ લઈ લેશે કેપ્ટન રોહિત શર્મા! આ નિવેદનના કારણે તેજ થઈ અટકળો, જુઓ શું કહ્યું હતું

• રોહિત શર્મા માટે વન ડે વર્લ્ડ કપ 2023 ખૂબ જ મહત્ત્વનો
• 16 વર્ષના કરિઅરમાં શાનદાર પ્રદર્શન કર્યું
• વર્લ્ડ 2023 પછી સંન્યાસ લઈ લેશે કેપ્ટન રોહિત શર્મા!

ભારતીય ટીમના કેપ્ટન રોહિત શર્મા અત્યાર સુધી એક પણ મોટો ખિતાબ જીતી શક્યા નથી. રોહિત શર્મા માટે એશિયા કપ 2023 અને વન ડે વર્લ્ડ કપ 2023 ખૂબ જ મહત્ત્વનો રહેશે. 16 વર્ષના ઈન્ટરનેશનલ કરિઅરમાં અત્યાર સુધી શાનદાર પ્રદર્શન કર્યું છે. 36 વર્ષીય રોહિત શર્માએ એક મહત્ત્વપૂર્ણ નિવેદન આપ્યું છે. આ કારણોસર લોકો અનુમાન લગાવી રહ્યા છે કે, રોહત શર્મા વર્લ્ડ કપ 2023 પછી સંન્યાસ લઈ શકે છે. 

વર્લ્ડ કપ 2023 પછી સંન્યાસ લેશે?
રોહિત શર્માએ વર્ષ 2007માં પહેલી ઈન્ટરનેશનલ મેચ રમી હતી. હાલમાં તેઓ ટીમના મુખ્ય ખેલાડી છે. વર્ષ 2020 પછી તેમના પર્ફોર્મન્સ પર ખૂબ જ અસર થઈ છે. વર્ષ 2020 પછી એક જ સદી ફટકારી છે. રોહિત શર્માએ એક મહત્ત્વપૂર્ણ નિવેદન આપ્યું છે. તેમણે મીડિયાને નિવેદન આપ્યું છે કે, ‘હું ટીમ સાથે આગામી બે મહિના સુધીમાં ખૂબ જ સારી યાદો બનાવવા માંગું છું.’ રોહિત શર્માના આ નિવેદન પછી માનવામાં આવી રહ્યું છે કે, તેમણે સંન્યાસ લેવાનો સંકેત આપ્યો છે. 

વર્લ્ડ કપ 2019
રોહિત શર્મા માટે વન ડે વર્લ્ડ 2019 કપ ખૂબ જ શાનદાર રહ્યો હતો. જેમાં તેમણે 5 સદીની સાથે 648 રન ફટકાર્યા હતા. રોહિત શર્મા તે ટુર્નામેન્ટમાં ટોપ રન સ્કોરર રહ્યા હતા. રોહિત શર્માએ વન ડે વર્લ્ડને યાદ કરતા જણાવ્યું હતું કે, ‘હું પ્રેશર ફ્રી કેવી રીતે રહું છું, તે મારા માટે ખૂબ જ જરૂરી છે. હું અન્ય બાબતો વિશે વિચારતો નથી. વર્લ્ડ 2019 પહેલા જેવો હતો તેવો થવા માંગુ છું. હું માનસિકરૂપે તૈયાર હતો અને ટુર્નામેન્ટ માટે ખૂબ જ મહેનત કરી હતી. હું વ્યક્તિગત રીતે તે વિચારધારા પર ફોકસ કરવા માંગુ છું.’

ભારતીય ટીમ માટે પ્રદર્શન
રોહિત શર્માએ અત્યાર સુધીમાં ભારતીય ટીમ માટે 52 ટેસ્ટ મેચ, 244 વન ડે મેચ અને 148 T20 મેચ રમી છે. વન ડે મેચમાં તેમણે 9837 રન, ટેસ્ટમાં 3677 9837 અને T20માં 3853 રન કર્યા છે. જેમાં તેમણે કુલ 44 સદી ફટકારી છે.