લોકસભા ચૂંટણી / VIDEO : સ્મૃતિ ઈરાની સામે રોબર્ટ વાડરા લડશે ચૂંટણી ! ખુદ આપ્યાં મોટા સંકેત, જુઓ શું બોલ્યાં

કોંગ્રેસ હજુ સુધી અમેઠી અને રાયબરેલીના ઉમેદવાર જાહેર કર્યાં નથી પરંતુ હવે અમેઠીમાં પ્રિયંકા ગાંધીના પતિ અને ગાંધી પરિવારના જમાઈ રોબર્ટ વાડરા ચૂંટણી લડે તેવી સંભાવના છે. સોનિયા ગાંધીના જમાઈ રોબર્ટ વાડ્રાનું નિવેદન સામે આવ્યું છે. તેમણે કહ્યું કે હું અમેઠીનું પ્રતિનિધિત્વ કરું તેવું લોકો ઈચ્છી રહ્યાં છે. અમેઠી અને રાયબરેલીમાં ગાંધી પરિવારે વર્ષો સુધી મહેનત કરી હતી. અમેઠીના લોકો ખરેખર વર્તમાન સાંસદ (સ્મૃતિ ઇરાની)થી નારાજ છે, મતદારોને લાગે છે કે તેમણે તેમને (સ્મૃતિ ઇરાનીને) ચૂંટીને ભૂલ કરી છે. "
અમેઠીની જનતા પોતાની ભૂલ સમજી ગઈ છે. મને લાગે છે કે હવે તેઓ ઇચ્છે છે કે ગાંધી પરિવારનો કોઈ સભ્ય આ મત વિસ્તારનું પ્રતિનિધિત્વ કરે. મને પણ અમેઠીની જનતા તરફથી વિનંતી મળે છે કે જો હું રાજકારણમાં જોડાઉં તો મારે અમેઠીની પસંદગી કરવી જોઈએ. મને યાદ છે કે, પ્રિયંકા સાથેનો મારો પહેલો રાજકીય પ્રચાર 1999માં અમેઠીથી થયો હતો. 

Delhi | On UP's Amethi Lok Sabha constituency, Robert Vadra says, "...The people of Amethi expect me to represent their constituency if I decide to become a member of Parliament...For years, the Gandhi family worked hard in Rae Bareli, Amethi and Sultanpur...The people of Amethi… pic.twitter.com/2kdmgQtrvv

— ANI (@ANI) April 4, 2024

ભાજપે અમેઠીમાં સ્મૃતિ ઈરાનીને રિપિટ કર્યાં 
ભાજપે 2024ની લોકસભા ચૂંટણીમાં સ્મૃતિ ઈરાનીને રિપિટ કર્યાં છે. 2019ની ચૂંટણીમાં ઈરાનીએ રાહુલ ગાંધીને પોતાના જ ગઢમાં હરાવ્યા ત્યારે અમેઠીની સીટ ખૂબ ચર્ચામાં રહી હતી. રાહુલ ગાંધી 2004, 2009 અને 2014માં અમેઠીથી જીત્યા હતા. કોંગ્રેસે હજુ સુધી અમેઠી અને રાયબરેલી માટે પોતાના ઉમેદવારની જાહેરાત કરી નથી, જ્યારે વાયનાડથી રાહુલ ગાંધીએ ઉમેદવારી નોંધાવી છે.

🚨 Breaking News

Robert Vadra has expressed his desire to contest elections from Amethi.

There is still doubt about Rahul Gandhi contesting the elections from Amethi.#LokSabhaElections2024 pic.twitter.com/hgKNqvNH3p

— Harsh Tiwari (@harsht2024) April 4, 2024

પ્રિયંકા રાયબરેલથી લડી શકે છે 
કોંગ્રેસે અમેઠી અને રાયબરેલીથી પોતાના પત્તા ખોલ્યા નથી એવી અટકળો હતી કે રાહુલ ગાંધી 2019ની જેમ અમેઠી અને વાયનાડ બંને બેઠક પરથી ચૂંટણી લડશે અને પ્રિયંકા ગાંધી વાડ્રા રાયબરેલીથી ચૂંટણી શરૂ કરી શકે છે.પરંતુ આ બંને બેઠકો પર હજુ પણ સસ્પેન્સ યથાવત છે. હવે રોબર્ટ વાડ્રાના નિવેદનથી મોટો સંકેત મળી ગયો છે કે તેઓ અમેઠીથી ચૂંટણી લડવા માટે તૈયાર છે.