મહામારી / કોરોના વાયરસમાં છૂપાયેલા ખતરનાક જીન્સની થઈ ઓળખ, રિસર્ચમાં ચોંકાવનારો ખુલાસો

• કોરોના વાયરસના છુપાયેલા જીન્સની ઓળખ કરવામાં આવી
• ખતરનાક જીન્સ કોરોના વાયરસના જીન્સમાં છૂપાયેલો હોવાનો થયો ખુલાસો 
• જર્નલ ઈ-લાઇફમાં પ્રકાશિત થયો અહેવાલ

ઉલ્લેખનીય છે કે, અમેરિકન મ્યુઝિયમ ઓફ નેચરલ હિસ્ટ્રીના વૈજ્ઞાનિકો અને સંશોધનકારોની ટીમ અનુસાર, કોરોના વાયરસના જીનોમમાં અત્યાર સુધીમાં 15 જનીનોની ઓળખ કરવામાં આવી છે. જેની અસર આ વાયરસ સામે રસી અથવા દવા વિકસાવવા પર થઈ શકે છે.

જર્નલ ઈ-લાઇફમાં પ્રકાશિત થયો અહેવાલ

તાજેતરમાં જ કરવામાં આવેલ અભ્યાસ જર્નલ ઈ-લાઇફમાં પ્રકાશિત થયો છે. જેમાં વૈજ્ઞાનિકોએ જીન્સની અંદર રહેલા જીન્સનો ઉલ્લેખ કર્યો છે. એવું માનવામાં આવે છે કે સંક્રમિત શરીરમાં વાયરસની પ્રતિક્રતિ બનાવવામાં તે મહત્વપૂર્ણ ભૂમિકા ભજવે છે.

અમેરિકન મ્યુઝિયમ ઓફ નેચરલ હિસ્ટ્રીના લેખકે કર્યો ખુલાસો 

અમેરિકન મ્યુઝિયમ ઓફ નેચરલ હિસ્ટ્રીના લેખક અને રિસર્ચ પેપર લેખક ચેઝ નેલ્સને જણાવ્યું હતું કે વાયરસની અંદરનું આ જીન્સ એ કોરોના વાયરસનું હથિયાર હોઈ શકે છે જે સંભવિત રૂપે વાયરસની પ્રતિકૃતિ બનાવવામાં મદદરૂપ કરી શકે છે અને રોગ પ્રતિકારક શક્તિને નિશાન બનાવી શકે છે. 

વૈજ્ઞાનિકોને કોરોના રસી બનાવવામાં મદદ કરી શકે 

તેમણે કહ્યું કે જનીનોની અંદર જનીનોની હાજરી અને કાર્ય કોરોના વાયરસને નિયંત્રિત કરવાની નવી રીતો માટે માર્ગ ખોલી શકે છે. કારણ કે આ શોધ હવે વૈજ્ઞાનિકોને કોરોના રસી બનાવવામાં મદદ કરી શકે છે.

ઓળખાવેલ જીનનું નામ 'ORF3d નામ રાખવામાં આવ્યું 

સંશોધનકારોએ ઓળખાવેલ જીનનું નામ 'ORF3d રાખ્યું છે. જેમાં પ્રોટીનને અપેક્ષા કરતા વધારે એન્કોડ કરવાની ક્ષમતા છે. જો કે, તેમણે એમ પણ જણાવ્યું કે અગાઉ શોધાયેલ પેંગોલિન કોરોના વાયરસમાં ORF3d પણ હાજર હતો.