- JIO નવું કન્ટેન્ટ ઉમેરવાની પણ તૈયારી કરી રહ્યું છે
- JIO એ વોર્નર બ્રધર્સ અને HBO સાથે એક મોટી ડીલ કરી
- આ ડીલથી JIO Cinema એ Prime અને Hotstar સાથે સ્પર્ધા કરશે
રિલાયન્સ જિયો તેના OTT પ્લેટફોર્મમાં જીઓ સિનેમામાં ઘણા મોટા ફેરફાર કરવા જઈ રહી છે. એક તરફ સબસ્ક્રિપ્શનની વાત ચાલી રહી છે તો બીજી તરફ જિયો નવું કન્ટેન્ટ ઉમેરવાની પણ તૈયારી કરી રહી છે. જો કે તેના આ પગલાંથી તે આ હોટ સ્ટારના વ્યવસાયને સંપૂર્ણપણે નાશ કરી શકે છે.
JIO એ વોર્નર બ્રધર્સ અને HBO સાથે એક મોટી ડીલ કરી
જણાવી દઈએ કે રિલાયન્સ જિયોએ વોર્નર બ્રધર્સ અને HBO સાથે એક મોટી ડીલ કરી છે, જેના પછી જિયો યુઝર્સ હવે જિયો સિનેમા પર વોર્નર અને એચબીઓ શો જોઈ શકશે. નોંધનીય છે કે HBO અને વોર્નરના શો હોટસ્ટાર પર આવતા હતા પણ આ ડીલ પછી યુઝર્સ જિયો સિનેમા પર ગેમ ઓફ થ્રોન્સ અને હેરી પોટર સીરીઝ, ડિસ્કવરી જેવી શાનદાર મૂવીઝ અને શોનો આનંદ માણી શકશે.
આ ડીલથી JIO Prime અને Hotstar સાથે સ્પર્ધા કરશે
નોંધનીય છે કે 31 માર્ચથી હોટસ્ટાર પર એચબીઓનું કન્ટેન્ટ હટાવી દેવામાં આવ્યું હતું, ત્યારપછી એવી ચર્ચા થઈ હતી કે એચબીઓ ભારતમાં તેનું નવું ઓટીટી પ્લેટફોર્મ લાવી શકે છે, પણ હવે એક નવી માહિતી સામે આવી છે. Jio સાથેની ડીલ બાદ હવે માત્ર HBO જ નહીં પરંતુ જાણીતા પ્રોડક્શન હાઉસ વોર્નર બ્રધર્સના શો પણ Jio સિનેમા પર જોઈ શકાશે. એટલે કે Jioની આ ડીલ સીધી Amazon Prime અને Disney Hotstar સાથે સ્પર્ધા કરશે.
કન્ટેન્ટ બીજા કોઈ OTT પ્લેટફોર્મ પર નહીં મળે
એક રિપોર્ટ અનુસાર મુકેશ અંબાણીની કંપની વાયાકોમ 18 એ એચબીઓ અને વોર્નર સાથે મલ્ટી યર ડીલ કરી છે અને આ અંતર્ગત હવેથી જિયો સિનેમા એપ પર વોર્નર બ્રધર્સ અને એચબીઓનું કન્ટેન્ટ જોઈ શકાશે. સાથે જ આ એક્સક્લુઝિવ ડીલનો અર્થ એ છે કે વોર્નર બ્રધર્સ પ્રોડક્શન હાઉસના શો Jio સિનેમા સિવાય અન્ય કોઈપણ OTT પ્લેટફોર્મ પર ઉપલબ્ધ રહેશે નહીં.
Jio સિનેમાનું પેઇડ સબસ્ક્રિપ્શન લોન્ચ થશે?
આ સાથે જ એ વાત પણ નોંધનીય છે કે IPLના લાઇવ સ્ટ્રીમિંગના અધિકાર જિયો સિનેમા પાસે છે, જે પહેલા ડિઝની હોટસ્ટાર પાસે હતા. અગાઉ IPL જોવા માટે Hotstar સબસ્ક્રિપ્શન લેવું પડતું હતું પરંતુ Jio સાથે એવું નથી. Jio સિનેમા હાલ ફ્રી છે અને કંપની મૂવી કે અન્ય શો જોવા માટે તેના યુઝર્સ પાસેથી કોઈપણ પ્રકારનો ચાર્જ લેતી નથી. જો કે હવે એવા સમાચાર પણ સામે આવી રહ્યા છે કે Jio IPL 2023 પછી Jio સિનેમાનું પેઇડ સબસ્ક્રિપ્શન લોન્ચ કરી શકે છે.
