Fruit custard / ખાંડ વિના ઘરે બનાવો ટેસ્ટી ફ્રૂટ કસ્ટર્ડ, નોંધી લો આ સરળ ડેઝર્ટ રેસીપી

બાળકોથી લઈને મોટા લોકો સુધી, દરેકને કસ્ટર્ડ ખૂબ જ ગમે છે. તમે ઘરે જ સરળતાથી વિધઆઉટ શુગર ફ્રૂટ કસ્ટર્ડ બનાવી શકો છો. ડ્રાયફ્રૂટ્સનો સમાવેશ કરીને, તમે તમારા પોતાના રસોડામાં એક સમૃદ્ધ અને ક્રીમી કસ્ટર્ડ બનાવી શકો છો. ગરમીની સિઝનમાં ઘરે કોઇ ગેસ્ટ આવે તો તમે આ ઠંડું કસ્ટર્ડ તૈયાર કરી ડેઝર્ટમાં સર્વ કરી શકો છો. આવો આ સ્વાદિષ્ટ અને હેલ્દી કસ્ટર્ડ બનાવવાની સ્ટેપ-બાય-સ્ટેપ રેસીપી જાણીએ.

પહેલુ સ્ટેપ

સૌપ્રથમ, એક બાઉલમાં એક કપ મખાના, અડધો કપ બદામ અને અડધો કપ કાજુ લો. પછી, તેમાં એક કપ હુંફાળું દૂધ પલાળી દો.

બીજુ સ્ટેપ

સૌથી પહેલા દૂધમાં કેસર મિક્સ કરી દો. કેસર ઉમેરવાથી કસ્ટર્ડને સુંદર પીળો રંગ આવે છે.

ત્રીજુ સ્ટેપ

15 થી 20 મિનિટ માટે ડ્રાઇ ફ્રૂટ્સને દૂધમાં પલાળી રાખો, જેનાથી તે સોફ્ટ થઈ જશે. આ દરમિયાન, તમે સફરજન, કેળા, દાડમ અને દ્રાક્ષ જેવા ફળો કટ કરી રાખી શકો છો.

ચોથુ સ્ટેપ

પલાળેલા મખાના, કાજુ, બદામ અને કેસરના દૂધ લો. ત્યાર બાદ તેને ગ્રાઇન્ડ કરીને ઘટ્ટ અને ક્રીમી પેસ્ટ બનાવી લો.

પાંચમું સ્ટેપ

એક મોટા બાઉલમાં બધા સમારેલા ફળો અને દાડમના દાણા મિક્સ કરો. ત્યાર બાદ આ મિશ્રણમાં ઘટ્ટ ક્રીમી ડ્રાય-ફ્રૂટ પેસ્ટ મિક્સ કરો.

આ પણ વાંચોઃ ઉનાળાની કાળઝાળ ગરમીથી શરીરને બચાવશે આ કર્ડ રાઈસ, જાણો બનાવવાની રીત

છઠ્ઠુ સ્ટેપ

હવે, બધું બરાબર મિક્સ કરો. ગાર્નિશિંગ માટે તમે દાડમના દાણા અને પિસ્તાનો ઉપયોગ કરી શકો છો. આ ઉપરાંત તમે મેંગો, ચેરી, બ્લૂ બેરી, બનાના, એપલ સ્ટોબેરી સાથે સિડ્સ પણ ઉમેરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ