નિવેદન / સિસ્ટમ ફેલ છે, રાજકીય કામ છોડી જનસેવામાં લાગે કાર્યકર્તાઓ : કોરોનાકાળમાં રાહુલ ગાંધીની અપીલ

• સિસ્ટમ ફેલ છે અને જન કી બાત કરવાની જરૂર છે : રાહુલ ગાંધી 
• કોંગ્રેસીઓ બધા જ રાજકીય કામ છોડીને જનસેવામાં લાગો : રાહુલ ગાંધી 
• બધી જ રીતે લોકોનું દુખ દૂર કરો. આ જ આપણો ધર્મ છે : રાહુલ ગાંધી 

શું કહ્યું રાહુલ ગાંધીએ 

કોંગ્રેસ નેતા રાહુલ ગાંધીએ પોતાની પાર્ટીના કાર્યકર્તાઓને કોરોનાકાળમાં લોકોની મદદ કરવા માટે અપીલ કરી છે. રાહુલ ગાંધીએ કહ્યું કે કોંગ્રેસનો આ જ ધર્મ છે. રાહુલ ગાંધીએ કહ્યું કે સિસ્ટમ ફેલ છે તેથી જન કી બાત કરવાની જરૂર છે. આ સંકટમાં દેશને જવાબદાર નાગરિકોની જરૂર છે. મારા કોંગ્રેસી સાથીઓને અપીલ કરી છું કે બધા જ રાજકીય કામ છોડીને માત્ર પ્રજાની સહાયતા કરે. બધી જ રીતે દેશવાસીઓનું દુખ દૂર કરો. કોંગ્રેસ પરિવારનો આ જ ધર્મ છે. 

‘सिस्टम’ फ़ेल है इसलिए ये जनहित की बात करना ज़रूरी है:

इस संकट में देश को ज़िम्मेदार नागरिकों की ज़रूरत है। अपने कांग्रेस साथियों से मेरा अनुरोध है कि सारे राजनैतिक काम छोड़कर सिर्फ़ जन सहायता करें, हर तरह से देशवासियों का दुख दूर करें।

कांग्रेस परिवार का यही धर्म है।

— Rahul Gandhi (@RahulGandhi) April 25, 2021

કોંગ્રેસીઓને આગળ આવવા કરી અપીલ 

નોંધનીય છે કે કોરોના વાયરસના કારણે જનતા ત્રાહિમામ પોકારી રહી છે ત્યારે ઘણા બધા લોકો સોશ્યલ મીડિયા અને અન્ય માધ્યમોથી લોકોની મદદમાં લાગેલા છે ત્યારે રાહુલ ગાંધીની આ અપીલ બાદ કોંગ્રેસ કાર્યકર્તાઓ લોકોની મદદ માટે આગળ આવે તેવી આશા છે. રાહુલ ગાંધી હાલ પોતે કોરોના વાયરસથી સંક્રમિત છે અને હોમ આઇસોલેશનમાં છે. 

ભારતમાં કોરોના વાયરસની સુનામી 

ભારતમાં કોરોના વાયરસની બીજી લહેર કહેર બનીને તૂટી છે કારણ કે શહેર શહેર કોરોના કહેર જોવા મળી રહ્યો છે. ભારતની મોટી મોટી હોસ્પિટલોના હાલ બેહાલ છે જ્યારે નાના શહેરો અને ગામડાઓમાં તો ભયંકર પરિસ્થિતિ છે. લોકો ઑક્સીજન વગર તરફડીને મરી રહ્યા છે. 

ભારતમાં કોરોના વાયરસ કેસ અપડેટ (25 એપ્રિલ, 2021)

ભારતમાં કોરોના વાયરસના દૈનિક કેસમાં સતત વધારો જોવા મળી રહ્યો છે. આજે એક દિવસ 3,49,691 નવા કેસ નોંધાયા છે જ્યારે  2,767 દર્દીઓના મોત થતાં દેશમાં કોહરામ જેવી પરિસ્થિતિ છે. જોકે રાહતની વાત કહી શકાય કે ભારતમાં 2,17,113  દર્દીઓએ કોરોના વાયરસ સામે જીત પણ મેળવી.