- યુરોપિયન દેશોમાં મહિલાઓને અપાઈ રહ્યાં છે પુરુષો જેવા અધિકારો
- સ્પેન સરકારે મહિલાઓને આપી બે મોટી છૂટ
- મહિલા સ્વીમિંગ પૂલમા કપડાં વગર નહાઈ શકશે
- જાહેર સ્થળોએ બાળકોને સ્તનપાન પણ કરાવી શકશે
યુરોપિયન દેશોમાં મહિલાઓને પણ પુરુષો સમોવડી ગણવામાં આવી રહી છે અને જેવા હકો પુરુષોને મળે છે તેવા તેમને આપવા માટેની ઝૂંબેશ ચાલી રહી છે. ત્યારે હવે સ્પેન સરકારે પણ આ દિશામાં એક મોટું પગલું ભર્યું છે. સ્પેન સરકારે મહિલાઓને સ્વિમિંગ પૂલમાં ટોપલેસ સ્નાન કરવાની મંજૂરી આપી છે. આ નિર્ણય બાદ કેટેલાન ક્ષેત્રના સ્વિમિંગ પૂલમાં મહિલાઓ કપડાં વગર સ્નાન કરી શકશે. સ્પેન સરકારના આ નિર્ણયને ત્યાંની નારીવાદીઓની મોટી જીત ગણાવવામાં આવી રહી છે.
મહિલાઓ જાહેરમાં બાળકોને સ્તનપાન કરાવી શકશે
સ્પેન સરકારે મહિલાઓને બીજી પણ એક મોટી છૂટ આપી છે. મહિલાઓ હવેથી જાહેર સ્થળોએ તેમના નવજાતને સ્તનપાન કરાવી શકશે આ માટે તેમને કોઈ નહીં રોકે. મહિલાઓને સ્વીમિંગ પૂલમાં કપડાં વગર નહાતી અને જાહેરમાં સ્તનપાન કરાવતી અટકાવનાર અધિકારીઓ માટે તગડા દંડની પણ ખાસ ગોઠવણી કરાઈ છે.
મહિલાઓની શું માગ હતી
સ્પેનની મહિલાઓ પણ લાંબા સમયથી આની માંગ કરી રહી છે. તેમની એવી દલીલ હતી કે જો પુરુષો પૂલમાં ટોપલેસ બાથ લે છે, તો તેમને પણ આવી છૂટ મળવી જોઈએ. સરકાર મહિલાઓની વાત માનીને એક કાયદો બનાવ્યો છે જેમાં કહેવાયું કે દરેક માનવીને તેના શરીર પર સંપૂર્ણ અધિકાર છે અને તે ગમે તે રીતે સ્નાન કરી શકે છે. જે મહિલાઓ ફુલ બોડી સ્વિમસૂટ પહેરવા માંગે છે અથવા જે 'બુર્કિની' એટલે કે બુરખા બિકિની પહેરવા માંગે છે તેમને પણ છૂટ આપવામાં આવશે.
કેટલા દેશોએ મહિલાઓને આપી સ્વીમિંગ પૂલ કપડાં વગર નાહવાની છૂટ
અત્યાર સુધી અમેરિકા, કેનેડા, સ્વીડનમાં મહિલાઓને ટોપલેસ સ્વીમિંગ પૂલ સ્નાનની મંજૂરી આપવામાં આવી છે તેમાં હવે સ્પેનનો ઉમેરો થતાં ચાર દેશોએ આવી છૂટ આપી છે.
