ચૂંટણી 2022 / મે વીડિયો જોયો તો સીધો જ સી આર પાટીલને ફોન કર્યો, નેત્રંગમાં PM મોદી નિરાધાર 2 બાળકોને મળ્યા, જુઓ શું કહ્યું

• PM મોદીએ નેત્રંગ સભામાં બે બાળકોનો કર્યો ઉલ્લેખ
• PM મોદીએ બાળકોને સભા સ્થળ પહેલા આપ્યો સમય
• અવિ નવમા અને જય છઠ્ઠા ધોરણમાં ભણે છે

ગુજરાત વિધાનસભાની ચૂંટણીને હવે ગણતરીના દિવસો જ બાકી રહ્યા છે જેને લઈ તમામ રાજકીય પક્ષો તૈયારીઓમાં વ્યસ્ત છે. રેલીઓ અને જાહેર સભાઓનો દોર ધમધમાટ ચાલી રહ્યો છે. રવિવારે વડાપ્રધાન નરેન્દ્ર મોદીએ નેત્રંગમાં એક જાહેર સભાને સંબોધિત કરી હતી. જે નક્કી કરેલા સમય કરતાં થોડા લેટ પહોંચ્યાં હતા. મંચ પર પોતાના સંબોધનમાં તેમણે મોડા આવવાનું કારણ જણાવતા સૌ લોકો તાળીઓ પાડવા લાગ્યા.

નિરાધાર અવિ અને જયને મળ્યા PM
સભાને સંબોધિત કરતા પીએમ મોદીએ કહ્યું કે, તેઓ અહીં બે મિનિટ મોડા પડ્યો કારણ કે તેઓ બે આદિવાસી ભાઈઓ અવી અને જયને મળવા માંગતા હતા. અવિ નવમા ધોરણનો વિદ્યાર્થી છે જ્યારે જય છઠ્ઠા ધોરણમાં ભણે છે. તેના માતા-પિતાનું 6 વર્ષ પહેલા બીમારીના કારણે અવસાન થયું હતું ત્યારે એકની ઉંમર 8 વર્ષની અને બીજાની ઉંમર 2 વર્ષની હતી અને આ બંને પોતાના દમ પર જીવે છે.

નિરાધાર બાળકો વિશે PM શું કહ્યું?
પીએમે કહ્યું કે આ વાત મારા ધ્યાન પર વીડિયો દ્વારા આવી અને મેં સીઆર પાટીલને કંઈક કરવા માટે કહ્યું. હું દિલ્હીમાં બેઠો હતો પરંતુ તેમના માટે વ્યવસ્થા કરવામાં સફળ રહ્યો હતા. તેમની પાસે પોતાનું ઘર, પંખો, કોમ્પ્યુટર, ટીવી, તમામ સુવિધાઓ ઉપલબ્ધ છે આજે એક કહ્યું કે તે કલેક્ટર બનવા માંગે છે અને બીજો કહે છે કે મારે એન્જિનિયર બનવું છે.

તમારા આશીર્વાદથી હું મોટો થયો છું:PM
ગુજરાતની ચૂંટણી પર બોલતા તેમણે કહ્યું કે આ ચૂંટણી વિશ્વના સમૃદ્ધ દેશોની સરખામણીમાં ગુજરાતને કોઈ પણ બાબતમાં પાછળ રાખવાની નથી. તમારા આશીર્વાદથી હું મોટો થયો છું તમે મારા ગુરુ પણ છો. ભારતીય જનતા પાર્ટીના કાર્યકરો ભાગ્યશાળી છે કે આજે તમે અમારા તમામ ઉમેદવારોને જીતાડવા માટે આટલી મોટી સંખ્યામાં સભામાં ઉપસ્થિત રહ્યાં છો.