BIG NEWS / Pm Modi Japan Visit : ટોક્યોમાં ભારતીય સમુદાય સામે PM મોદીનું સંબોધન, ભારતની વિકાસ યાત્રામાં જપાનની મહત્વની ભૂમિકા

• ટોક્યોમાં ભારતીય સમુદાયના લોકોને પીએમ મોદીનું સંબોધન
• આવતી કાલે ક્વાડ સંમેલનમાં ભાગ લેશે પીએમ મોદી
• ભારતીય સમુદાયને લઈને કહી આ વાત

વડાપ્રધાન નરેન્દ્ર મોદીએ જપાનની રાજધાની ટોક્યોમાં એનઆરઆઈને સંબોધિત કર્યા હતા. તેમણે કહ્યું કે, તમારામાંથી ઘણા એવા મિત્રો છે જેઓ વર્ષોથી અહીં સ્થાયી થયા છે. જપાનની ભાષા, પોશાક, સંસ્કૃતિ તમારા જીવનનો એક ભાગ બની ગઈ છે. તેનું એક કારણ એ પણ છે કે, ભારતીય સમુદાયના મૂલ્યો સર્વસમાવેશક રહ્યા છે. તે જ સમયે, જપાન તેની પરંપરા, તેના મૂલ્યો, તેની જીવનશૈલી પ્રત્યે જે પ્રતિબદ્ધતા ધરાવે છે તે ખૂબ જ ઊંડી છે. આ બંનેના મિલનને કારણે સ્વભાવની લાગણી થવી સ્વાભાવિક છે.

Grateful to the Indian community in Japan for their warm reception. Addressing a programme in Tokyo. https://t.co/IQrbSvVrns

— Narendra Modi (@narendramodi) May 23, 2022

સ્વામી વિવેકાનંદનો ઉલ્લેખ કરતા તેમણે કહ્યું કે, શિકાગો જતા પહેલા સ્વામીજી જપાન આવ્યા હતા. અહીંની વેશભૂષા, અહીંનું ભોજન, સ્વામીજીએ પણ આ વાતની પ્રશંસા કરી હતી. પીએમ મોદીના આગમનના સમાચાર સાંભળતા જ ભારતીય મૂળના લોકો મોટી સંખ્યામાં સ્થળ પર એકઠા થયા હતા. લોકો મોદી-મોદીના નારા લગાવી રહ્યા છે. આ દરમિયાન જય શ્રી રામના નારા પણ લગાવવામાં આવ્યા હતા.

સોમવારે તેઓ જપાનની રાજધાની ટોક્યો પહોંચ્યા હતા. જણાવી દઈએ કે, પીએમ મોદી જાપાનના પીએમ ફ્યુમિયો કિશિદાના આમંત્રણ પર 24 મેના રોજ ક્વાડ સમિટમાં ભાગ લેશે. યુક્રેન અને રશિયાના યુદ્ધ વચ્ચે પીએમ મોદીનો આ સમયગાળો ઘણો મહત્વપૂર્ણ માનવામાં આવે છે. ટોક્યોમાં ભારતીય સમુદાયના લોકોએ પીએમ મોદીનું ઉષ્માભર્યું સ્વાગત કર્યું. આ દરમિયાન બાળકો પણ હાજર રહ્યા હતા. બીજી તરફ અમેરિકી રાષ્ટ્રપતિ જો બિડેને ક્વોડ પહેલા જાપાનના પીએમ ફ્યુમિયો કિશિદા સાથે મુલાકાત કરી હતી. આ દરમિયાન તેમણે સ્પષ્ટ કર્યું કે અમેરિકા તાઈવાનને ચીનના આક્રમણથી બચાવવામાં મદદ કરશે.