સ્વદેશી સેમિકન્ડક્ટર / 6G નેટવર્ક અને પહેલી મેડ ઈન ઈન્ડિયા સેમિકન્ડક્ટર ચિપને લઈ PM મોદીનું મોટું એલાન

પ્રધાનમંત્રી નરેન્દ્ર મોદીએ ભારતમાં ઉત્પાદિત પ્રથમ મેડ ઇન ઇન્ડિયા સેમિકન્ડક્ટર ચિપ અંગે એક મોટી જાહેરાત કરી. પીએમ મોદીએ કહ્યું કે પ્રથમ મેડ ઇન ઇન્ડિયા સેમિકન્ડક્ટર ચિપ 2025ના અંત સુધીમાં બજારમાં ઉપલબ્ધ થશે. તેમણે એમ પણ કહ્યું કે સરકાર મેડ ઇન ઇન્ડિયા 6G નેટવર્ક વિકસાવવા માટે ઝડપથી કામ કરી રહી છે.

સેમિકન્ડક્ટર ચિપ્સ ૫૦-૬૦ વર્ષ પહેલાં ભારતમાં બની શકી હોત: પીએમ મોદી

પીએમ મોદીએ કહ્યું, "આપણે બધા જાણીએ છીએ કે ભારતમાં ૫૦-૬૦ વર્ષ પહેલાં સેમિકન્ડક્ટર ઉત્પાદન શરૂ થઈ શક્યું હોત, પરંતુ ભારતે તે તક ગુમાવી દીધી અને લાંબા સમય સુધી એ જ પરિસ્થિતિ ચાલુ રહી. આજે આપણે આ પરિસ્થિતિ બદલી નાખી છે. ભારતમાં સેમિકન્ડક્ટર સંબંધિત ફેક્ટરીઓ શરૂ થઈ ગઈ છે." તેમણે કહ્યું, "આ વર્ષના અંત સુધીમાં પ્રથમ સ્વદેશી રીતે વિકસિત સેમિકન્ડક્ટર ચિપ બજારમાં આવશે."

પ્રધાનમંત્રીએ ટેલિકોમ ટેકનોલોજીના વિકાસ પર પ્રકાશ પાડ્યો

આ સાથે જ, પ્રધાનમંત્રી નરેન્દ્ર મોદીએ ટેલિકોમ ટેકનોલોજીના ક્ષેત્રમાં થઈ રહેલા પ્રયાસો પર પણ પ્રકાશ પાડ્યો. તેમણે કહ્યું, "મેડ ઇન ઇન્ડિયા 6G નેટવર્ક વિકસાવવા માટે ઝડપથી કામ કરવામાં આવી રહ્યું છે. સરકારનું ધ્યાન વિશ્વમાં થઈ રહેલી પ્રગતિ સાથે તાલમેલ રાખવા પર છે.

આ પણ વાંચોઃ 'આજના PM વાતો વધુ કરે છે અને કામ ઓછું...' મલ્લિકાર્જુન ખડગેએ કસ્યો તંજ

ભારતની EV નિકાસ 100 દેશો સુધી પહોંચવાની તૈયારીમાં છે.

પોતાના સંબોધન દરમિયાન આ જાહેરાત કરતા વડા પ્રધાન મોદીએ કહ્યું, "હું તમને ભારતની બીજી સફળતા વિશે જણાવવા માંગુ છું. ભારત ટૂંક સમયમાં ઇલેક્ટ્રિક વાહન ક્ષેત્રમાં એક મોટી શક્તિ બનવા જઈ રહ્યું છે. ભારત હવે વિશ્વના 100 દેશોમાં ઇલેક્ટ્રિક વાહનોની નિકાસ કરવા જઈ રહ્યું છે. આ સફળતા સંબંધિત એક ખૂબ જ મોટો કાર્યક્રમ બે દિવસ પછી મંગળવારે યોજાઈ રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ